Epesus 3:6 - DAWAN BÎLA AISKA

⁶ Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Epesus 3:6 ပူးပေါင်းရင်းမြစ်များ

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

1 Korint 12:12

Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.

1 Korint 12:27

Baku bamna, man nani sut lika Kraist wîna tara nani sma, bara kumi bani baha wîna sirpika kum sma.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Epesus 3:3

Gâd ai tânka dahra prakan ra bri kan ba param marikan, yang pali ra sin aikan kaikri, pat bîla prahni mai ulbatna ba baku.

Epesus 5:30

kan serts ba witin ai wîna tara sa, bara yawan lika sim baha wîna sirpika nani sa, ai wîna tara bara ai dusa nani wina wan paskan.

Epesus 5:7

Baha mita, man nani lika witin nani wal asla dukiam kumi sin bripara.

Kolosi 2:19

Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.