Epesus 3:2 - DAWAN BÎLA AISKA

² Bamna man nani pat kaiki kaia sma, nahki Gâd ai latwan lâka bri ba mita, witin naha warkka na yang mihti ra aikan, man nani mampa ra pain kaia ba dukiara.

Epesus 3:2 ပူးပေါင်းရင်းမြစ်များ

Apastil Nani Sturka 13:2

Yu kum naha uplika nani Gâd ra luki plun piras kira Dawan ra mayunan kan ba ra, Spirit Holikira naku win: “Man nani Bernabé bara Saulo wal ba saki aik, baha warkka daukaia yang bui witin nani paiwri ba.”

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 11:13

Sakuna Ju apia uplika nani sma ba ra, diara brisna mai wiaia. Gâd bui Ju apia uplika nani tilara ai blikan, bamna yang warkki ba mita diara uya pain daukisma.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

Galesha 1:13

Man nani pain kaikisma, pas piua yang Ju nani lâka nina bliki kapri bara nahki katna ba. Pat kaiki banhwisma, yang bui Gâd sertska ba âpu daukaia wisi, nina bliki rausauhki kapri ba.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 3:7

Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Epesus 4:7

Sakuna yawan kumi bani ra prisant painkira wankan sa, Kraist mita wankan ba kat.

Kolosi 1:4

Man nani Kraist Jisas ra kasak lukisma ba, yang nani walri, bara Gâd uplika sut ra latwan kaikisma ba sin,

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 1:4

Witin nani ra wis, kisi sturka nani bara kanra wan almukka nani sturka nani ba, walbiara. Naha dukia nani na blahwanka bahki nani baman bukisa, bara Gâd mita yawan kasak lukan lâka wal diara kasak daukaia wankan ba, baha kat daukaia sip hilp wan munras.

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

2 Timoti 1:11

Gâd mita ai mangkan, naha swaki sakan lâka sturka yamni na aisi smalkaia; bara apastil baku ai blikan, Ju apia nani ra smalkamna dukiara.