Epesus 3:1 - DAWAN BÎLA AISKA

¹ Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 3:1 ပူးပေါင်းရင်းမြစ်များ

Luk 21:12

“Sakuna naha diara nani sut kainara, man nani ra mai alkbia, bara ninam bliki rau mai sauhkbia. Lâmka daukaia prias watla nani ra mai brih wabia, yang nini ba tâwan silak watla ra mai mangkbia; king nani mawanra, wihta tara nani mawanra sin mai brih wabia.

Apastil Nani Sturka 21:33

Bara kamandanti ba, Pal lamara wih alki, adar yan sîn wâl ni priskbia; bara makabi walan witin ba ya, bara dîa sin daukan sapa.

Apastil Nani Sturka 23:18

Bara kiaptin ba tukta waitna wahma ba bri kamandanti ra wan, bara win: —Baha Pal yawan silak ra bri ba mita ai paiwan wari, bara ai win naha tukta wahma na sturi man ra mai wiaia brisa, bamna man ra bri balamna.

Apastil Nani Sturka 26:29

Bamna Pal bila: —Wiria, apia kaka manis kra, sakuna yang bui Gâd ra puri sunisna, man bara wala nani nâra naiwa ai wali na sut yang wal baku takbia, sakuna naha ai priskan na wal lika apia.

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

2 Korint 1:6

Baha mita, yang nani pât wahwisna kaka, baha lika man nani maisa nihkra lâka bara swaki sakan lâka brima ba dukiara sa; bamna Gâd mita yang nani maisi nihkisa kaka, baha lika man nani sin maisa nihkra bara swaki sakan lâka brima ba dukiara sa, bara baku lika man nani sip kama ban bapi bûi kaia, bara yang nani wahwisna pâtka nani ba wahwaia.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

Galesha 5:11

Bamna yang pali na, muihki nani, Aisa sainka daukaia dukiara smalki tauki katna kaka, Ju nani nini bliki rau ai sauhkaia apia kan; bara baha ba baku kata kaka, yang Kraist dusa prihni tâwan aisisna ba, witin nani kupia sauhkaia apia kan.

Galesha 5:2

Man nani, yang ra pain ai wals. Yang, Pal, mai wisna man nani Aisa sainka daukma kaka, Kraist ba man nani mampara bahki pali kabia.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Epesus 3:11

Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan.

Epesus 3:13

Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

Pilipai 1:7

Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

Kolosi 4:18

Yang Pal, naha lakula mihti pali ni ulbisna. Silak ra sna ba dukiara, kupiam krauki bas. Gâd mita yamni mai munbia.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

Pilimon 1:1

Yang Pal, Kraist Jisas tâwan silak ra ai brisa, bara naha wauhkataya na, yang wan muihni Timoti wal wina upliki Pilimon ra mai ulbi banhwisna, wan uplika latwankira aikuki wark daukri ba.

Pilimon 1:23

Pâinika Epafras, Kraist Jisas tâwan yang wal silak ra ba mita ai lakula mai blikisa,

Pilimon 1:9

sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.