Epesus 2:5 - DAWAN BÎLA AISKA

⁵ bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

Epesus 2:5 ပူးပေါင်းရင်းမြစ်များ

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Apastil Nani Sturka 15:11

Sip apia pali. Kan yawan nani kasak lukisa, swaki wan sakan lâka bri na lika, Dawan Jisas kupia latwanka ba mita, bara baku sin Ju apia nani ba mapara sin.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Roman 3:24

Kuna Gâd ai latwanka tara ba mita, ban mana âpu kira baha nani ba kasakkira kulkan sa, kan Kraist Jisas bâk upla sut swaki sakan sa.

Roman 4:16

Baku bamna, pramis ba yan kasak lukan tâka ba mita, bara baku mika Ebraham kiamka nani ba mapa ra baha ba prisant kabia bara diara kasak pali aihwa sin kabia. Baha tânka ba lika, Gâd mita pramis munan ba lâ bîla wali dauki nani ba baman dukia apia sa, sakuna Ebraham baku kasak luki nani ba sut dukiara. Baku mika witin ba lika yawan sut wan aisika takisa.

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Epesus 2:1

Blasi man nani watawika lâka tâka saurka lâka tilara pruram katma.

Epesus 2:8

Bamna Gâd latwanka lâka ba mita sika, man nani swaki mai sakan ba kasak lukan lâka bâk. Naha tânka na lika, man nani mita dîa kum daukram ba mita lika apia, sakuna baha lika Gâd mita ban prisant maikan sa.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

Taitus 2:11

Kan Gâd ai kupia yamni tânka ba wan marikan sa, bara upla sut ra swaki sakan lâka brih balisa.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Param Marikanka 22:21

Wan Dawan Jisas Kraist mita man nani sut ra yamni mai munbia.