Epesus 2:2 - DAWAN BÎLA AISKA

² Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 2:2 ပူးပေါင်းရင်းမြစ်များ

Job 1:16

Waitna ba dahra kau aisi danh takras kan, waitna wala kum wan bara Job ra naku win: —Imyula kum pura wina kauhan ba ra, sîp main kaiki nani ra bara sîp nani ba sin sut ikan. Yang baman baha tila wina swak taki aulna, sturka ba maisam pakaia.

Job 1:19

pat pali upla iwras tasbaya tani wina pâsa saura kumi krawan, bara utla ba tnaya walhwal ra pruki bara utla tara ba luhpiam nani purara batakan, bara sut kat ikan. Yang baman baha tila wina swak taki aulna, sturka ba maisam pakaia.

Job 1:7

Dawan mita makabi walan: —¿Man ani wina aulma? Bara dahra kwakwahkra ba pana win: —Tasba tâ aiska kir tnaya walhwal wina impaki tauki si aulna.

Job 31:7

Yabal wapni ba wina tnaya ra tawri sa kaka, brinka karna ba mita ban ai alki ai brih wan kaka, upla wala dukia ba, yang duki baku brisna kaka.

Lawana Nani 17:14

man karnikam ni, Dawan, witin nani mihta wina swaki ai sâks, ¡baha nani ba naha tasba wina saki lulks, man dukiam kukanka naha rayaka ra bâra ba! Swis witin nani ba yuyakira takbia, luhpia nani ba baiwaia praiska kat plun pibia, bara diara kau swibia ai mula nani lahma.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 57:4

¿Ya dukiara man nani lawaska kikisma? ¿Ya mapara mamwan aihka dauki misbara lâka dauki kapram? ¿Ya mapara twisam daiki mariki kapram? ¡Man nani saura dadaukra nani, upla kuninkira nani!

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Oseas 10:9

Dawan aisisa: “Israel Guibeá ra wih saura daukan ba wina baha saurka swira dauki ban sa. ¡Ai saurka ra ban iwisa! Baha mita war ba Guibeá ra baha watawikira nani ba ra alkbia.

Libait Lâka 11:16

daiwan tnawira yahpa tara ba, wauya, krakra, usus sâtka nani sut,

Matiu 11:19

Baha ningkara, Upla Luhpia Waitna ba balan, witin plun pîsa diara sin dîsa, bara witin nani aisisa bîla maihsira bara diara dadira, Rom ra yaia lal mana wawahbra nani kulkanka saura bri uplika nani ba pânika. Sakuna Gâdka sinska lâka ba ai daukanka nani bâk latan marikisa.”

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Jan 12:31

Bamna nanara sika naha tasba na lâka aisi daukan kaia piua ba, bara naha tasba wihtka tara aimaki ba sin latara lulkan kabia.

Jan 13:2

Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

Jan 13:27

Judas baha britka pîs ba brin wal baku, Sitan lika witin kupia ra diman. Baku bamna, Jisas bila: —Dîa daukaia sma ba, aihni dauks.

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

Jan 15:19

Man nani ba naha tasba wina katma kaka, naha tasba wina uplika nani mita ai tahkia nani ra baku latwan mai kaikaia kan. Sakuna yang bui man nani ba naha tasba uplika nani tila ba wina bâk mai saki mai briri, bara baha mita sika naha tasba uplika nani mita misbara mai kaiki ba, kan nanara man nani lika naha tasba wina uplika apia sma.

Jan 16:11

¿ya ba Gâd lâ dauki ba klalka bribia?: baha lika naha tasbaya wihtka, witinka sika pât ra pat lulkan ba.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 8:23

Bamna Jisas mita win: —Man nani lika mâya tani wina sma, sakuna yang lika pura tani wina sni; man nani naha tasba wina sma, kuna yang lika naha tasba wina apia sna.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Apastil Nani Sturka 19:35

Bara baha tawanka ra wauhkataya âiulbra ba mita upla nani bin dauki ba takaski muni, witin baha nani ra naku win: “Man nani Epesus nani kaikisma, upla sut sin kaikisa wan gâdka Diana tempelka ba Epesus nani mita main kaikaia sa, witin lilka kasbrika pura wina kauhan ba sin.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

1 Korint 5:10

Naha tasba uplika sut wina tnaya ra tawma lika mai wiras katna, witinka nani tâski lâka dauki banhwi ba, apia kaka gridikira nani ba, âimplikra nani ba, aidul nani ra ai pura suni mayuni banhwi ba. Witin nani tilara dimaia apia kaka, man nani ba naha tasba wina taki waia kama.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Epesus 1:21

Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Epesus 2:11

Bahamna, piua luan ra man nani dîa sât uplika nani katma ba dukiara kupiam krauki bas. Man nani lika Ju nisanka apia katma; baha mita Ju nani, upla ra Aisa sainka dauki bara witin nani lika “Aisa sainka bri uplika nani” aisi ba mita man nani lika “Aisa sainka luha uplika nani” mai mâkisa.

Epesus 2:13

Sakuna nanara lika Kraist Jisas wal asla mai prakan, bara Kraist pruanka ba mita, man nani laihura nani katma ba ai lamara mai mangkan.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Epesus 5:8

Pas piua man nani lika tihmia ra iwi katma, kuna nanara Dawan uplika takram ba mita, ingni ra iwi banhwisma. Bahamna man nani ingni uplika nani baku bas,

Epesus 6:12

Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba.

Kolosi 1:21

Kaina piua ra man nani ba upla tringsar nani kapram bara Gâd wal wailhka kupiam nani ra, diara saura nani dauki kapram ba mita.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

Jems 1:7

Ya baku sa kaka, lukpara Dawan wina diara brima apia ba,

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

1 Jan 4:4

Luhpi lupia nani, man nani ba Gâd dukia nani sma, bara smasmalkra kuninkira nani ba pura luram sa; kan baha Spiritka Holikira man nani wal ba lika kau tara sa, tasba uplika nani baha spiritka bri ba wal.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

1 Jan 5:4

Kan Gâd luhpia nani bani ba, naha tasba na pura luisa. Bara naha kasak lukanka ba mita hilp wan munisa naha tasba pura luaia.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 16:17

Insal 7 ba ai kapka pâsa ra laikan, bara Dawan wal aisaia watla ra king iwaika ba wina bîla baikra tara kum takan, bara naku wisata: “¡Pat daukan sa!”

Param Marikanka 20:2

Naha insalka na dragunka ba alkan, baha piutka almuk ba, witinka dibil bara Sitan ba, bara witin ba priskan mani 1,000 prais kat.