Epesus 2:17 - DAWAN BÎLA AISKA

¹⁷ Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

Epesus 2:17 ပူးပေါင်းရင်းမြစ်များ

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 75:1

Tingki mai wi banhwisna, wan Gâdka, tingki mai wi banhwisna; man ninam ra makabi banhwisna aiwani banhwisna, man diara aihka nani daukram bamna.

Lawana Nani 85:10

Latwan lâka bara kasakka lâka wal prawbia, kupia kumi lâka bara wapni lâka ba wal ai mawan kiawalbia,

Aiseya 27:5

Man brin mai daukisa kaka, yang mita kan kahbamna, yang wal kupia kumi lâka dauks.”

Aiseya 52:7

Kaiks nahki pranakira ba, baha mina nani il nani purak lilia sturka nani brih aula ba, baha kupia kumi sturka maisa paki ba, baha sturi yamni brih aula ba, bara swaki sakan sturka ba maisam paki ba, bara witin nani Saion ra wisa: “¡Man Gâdkam ba king sa!”

Sakaraya 9:10

Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.

Matiu 10:13

Baha watla uplika nani pain mai brisa kaka, kupia kumi lakula ba witin nani wal ban swis; sakuna pain mai briras kaka, baku daukan kabia apia.

Luk 15:8

“Baku sin, ¿ani mairka witin lalah mâ matawalsip bri ba wina kumi tiwbia kaka, lamp angki, utla pain pali pahbia apia, sâkbia ba kat plikisa?

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 10:14

Sakuna ¿nahki Dawan nina mâki winbia, witin nani ba witinka ra kasak lukras kan ba? ¿Bara nahki kasak lukbia, witin nani Dawan aisin walras kan ba? ¿Bara nahki Dawan tânka smalkka walbia, witin nani ra smalkaia uplika ba âpu bamna?

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Kli Smalkanka 4:7

Kan, ¿nisan tara bâra sa ki ai gâdka nani ai lamara bri ba, yawan wan Dawan Gâdka wan lamara bri ba baku yawan bui witin ra winisa piua ra?