Epesus 2:16 - DAWAN BÎLA AISKA

¹⁶ Naha natka ra, Kraist dus prihni ra pruan ba mita, baha upla daknika wâl pana pana aiklabanka bri kan ba, Kraist mita sut tiki, Gâd wal kupia kumi daukan, bara wîna tara kumi ra witin nani sut asla kumi daukan.

Epesus 2:16 ပူးပေါင်းရင်းမြစ်များ

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

1 Korint 10:17

Yawan na ailal sa sakuna, sut sim britka kumi ba wina pîsa; bara ba mita yawan na lika wîna tara kumi baman sa.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Epesus 2:15

Moses lâka ba mita adar nani bara dîa dîa lâka nani mangki yan ba, sut baha kat takaskan, bara upla dakni sât wâl kata ba upla daknika raya kumi daukan, witin ra asla prakan. Bara baku witin mita kupia kumi lâka ba daukan.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Epesus 4:4

Wîna tara ba kumi baman bâra sa, bara Spirit sin kumi baman, bara baku sin Gâd mita diara kumi baman kainamra briaia dukiara mai paiwan.

Kolosi 2:14

Tras kum wan mapara bâra kan ba, pât ra sin wan brih wi kan ba, Gâd mita aibapan. Baha traska ba sut pali âpu daukan, silak ra saban ba mita.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.