Epesus 2:15 - DAWAN BÎLA AISKA

¹⁵ Moses lâka ba mita adar nani bara dîa dîa lâka nani mangki yan ba, sut baha kat takaskan, bara upla dakni sât wâl kata ba upla daknika raya kumi daukan, witin ra asla prakan. Bara baku witin mita kupia kumi lâka ba daukan.

Epesus 2:15 ပူးပေါင်းရင်းမြစ်များ

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Galesha 6:15

Bamna yawan Kraist Jisas wal asla kaia lâka ba brisa kaka, Aisa sainka daukan, apia kaka daukras kabia sin diara apia sa; sakuna yawan upla raya takan ba sika diara tara pali.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Epesus 2:14

Kraist sika wan kupia kumi lâka. Ju nani bara Ju apia nani ba wal upla daknika kumi daukan, waihla lâka kutbanka ba mita dakbi wan saki kan ba slingban bara Kraist ai wîna ra.

Epesus 2:16

Naha natka ra, Kraist dus prihni ra pruan ba mita, baha upla daknika wâl pana pana aiklabanka bri kan ba, Kraist mita sut tiki, Gâd wal kupia kumi daukan, bara wîna tara kumi ra witin nani sut asla kumi daukan.

Epesus 4:16

Kraist ba mita wîna tara aiska asla pain sa; bamna wîna sirpika bani witin ra asla takan ba ra, sut ba pain wark takuya, bara wîna sirpika bani ba mahka latwan lâka ra pain pâwisa.

Kolosi 2:14

Tras kum wan mapara bâra kan ba, pât ra sin wan brih wi kan ba, Gâd mita aibapan. Baha traska ba sut pali âpu daukan, silak ra saban ba mita.

Kolosi 2:20

Man nani lika Kraist wal pruram, bara wan wîna brinka karnika nani ba mahka swiram sa. Ban kaka, ¿dîa muni kau lukras uplika nani lâka ra iwisma, bara adarka nani daukisma ba,

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Hibru Nani 7:16

Witin ba lika upla nani lâka bara kulkanka nani wina sin prîs takras; witin ba sip sauhki tikras rayaka karnika mita prîs aimakan.

Hibru Nani 8:13

Lâ raya kum dukiara aisisa ba ra, Gâd bui pas lâka kata ba almuk daukan sa; bara dîa dîa patitara wina bâra ba bara mahka almuk sin taki ba, naika mapa lap tiwbia.

Hibru Nani 9:23

Baku bamna, naha diara nani kasbrika purara dukia lilka nani na diki sakaia, sakripais nani na want kan; sakuna kasbrika purara dukia nani pali sin baha nani purkara kau sakripais yamni nani want sa.