Epesus 1:6 - DAWAN BÎLA AISKA

⁶ Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Epesus 1:6 ပူးပေါင်းရင်းမြစ်များ

Lawana Nani 22:20

Yang sord ni ai ikaia ba wina swaki sâks, baha yula nani ba mita yarka ai ikbiara.

Lawana Nani 60:5

¡Pana wan aisas, swaki sin wan sâks man karnikam ni! ¡Dakbi sâks baha nani man latwan kaikisma ba!

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 43:21

Naha uplika nani ba yang mita paskri; yang maiyunra dahra ba aisaia.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Libait Lâka 15:15

Bara prîs ba baha bribia, bara butku kum ba saurka mana sakripaiska daukbia; butku wala ba aiska angkbia, waitnika tâski ba klin takaia sakripaiska, baha sut Dawan kaiki ba pliska ra daukbia.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 20:9

Bara tutni 5 aklak wark takaia diman nani ba balan, bara kumi bani ai mana brin, yu aiska mana dîa aibapi kan ba.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Jan 10:17

“Aisa latwan ai kaikisa, kan yang rayaki ba yaia wilin sni, adar ba kat yang kli baha ba briaia dukiara.

Jan 3:35

Aisa ba ai Luhpia ra latwan kaikisa, bara witin mihta ra diara sut mangkan sa.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

2 Korint 4:15

Naha diara nani sut na baku takan sa, man nani hilpkam kaia ba mata, baha mita upla manis Gâd wina yamnika bri nani ba, baha wina manis mita sin tingki wibia, Gâd prana daukaia dukiara.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 1:14

Spirit Holikira ba sika Gâd ai uplika nani ra diara yaia pramis munan ba tukinka, bara baha ba baku takbia, Gâd ai uplika nani ra pri lâka yaia win kasak pali aimakbia ba ra. ¡Bamna kaisa Gâd prana ba mayunaia!

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Pilipai 4:19

Baku bamna, man nani dîa dîa âpu sma ba sut, Gâdki mita maikbia, ai yuyaka pranakira Kraist Jisas ra bri ba praiska kat.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.