Epesus 1:23 - DAWAN BÎLA AISKA

²³ Bamna serts ba sika Kraist wîna tara, baha sika Kraist banhwanka; bamna Kraist pali mita sin diara nani sut ba banhki pali daukisa.

Epesus 1:23 ပူးပေါင်းရင်းမြစ်များ

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Roman 13:5

Baha mita, aitani sa tasba wihtka nani ra bawaia, klala briaia apia dukiara baman luki mita lika apia, sakuna wan kupia klir lukanka wina baha ba yawan daukaia ba luki.

1 Korint 12:6

Diara nani karnika sât sât bâra sa, sakuna sim Gâdka mita sika baha dauki ba upla sut ra.

1 Korint 15:28

Bara diara sut Kraist munhtara yan bawan kabia ba ra, Kraist pali Gâd Luhpia ba sin, Gâd munhtara bawbia, witinka diara sut ai mina munhtara yan bawan ba, baku Gâd ba aiska pali king aimakbia upla nani sut purara.

Epesus 2:16

Naha natka ra, Kraist dus prihni ra pruan ba mita, baha upla daknika wâl pana pana aiklabanka bri kan ba, Kraist mita sut tiki, Gâd wal kupia kumi daukan, bara wîna tara kumi ra witin nani sut asla kumi daukan.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Epesus 4:10

Mâyara pali iwi wan uplika ba sika, kasbrika pura ba wina kau laih purara pali uli wan, baha mita witin mita tasba aiska na banhkaia ba dukiara.

Epesus 4:12

Witin naku daukan, Gâd uplika nani bani kristian warkka daukaia ba mata, Kraist wîna tara ba pain paskaia dukiara,

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Epesus 4:4

Wîna tara ba kumi baman bâra sa, bara Spirit sin kumi baman, bara baku sin Gâd mita diara kumi baman kainamra briaia dukiara mai paiwan.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

Kolosi 2:19

Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.