Epesus 1:22 - DAWAN BÎLA AISKA

²² Diara sut ba Kraist mina mununhtara mangkan sa, bara Kraist pali ba sin serts lal mangkan diara nani sut Dawanka baku.

Epesus 1:22 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Lawana Nani 91:13

Limi nani bara layan nani purara sin man wapi kama; daiwan saura tara nani, bara piuta nani tilara sin wapi tauki kama, minam mununhtara man taibi bri kama.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

1 Korint 11:3

Sakuna yang want sna naha tânka na brima: upla bani lal ba lika Kraist, mairin lal ba ai maya waitna, bara Kraist lal ba Gâd sika.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Epesus 5:23

Kan maya waitna ba ai maya mairin lal sa, sim Kraist serts ra lal ba baku. Kraist ba lika serts Swaki Sasakra, bara baha sika witin ai wîna tara;

Kolosi 1:18

Baha sut purkara, Kraist ba wîna tara ba lal sa, baha sika serts ba. Witin sika naha wîna tara ra raya kaia lâka yabi ba; witin ba tâ pali wina ban bâra ba, Kraist ba pas pruan nani wina buan ba, baha mita diara nani sut tâura witin sa.

Kolosi 1:8

Bamna witin bui yang nani ra man nani sturkam bri balan, bara sin latwan kaikaia lâka Spirit wina maiki ba.

Kolosi 2:10

bara man nani lika Gâd ni mai banhkan sa, kan Kraist wal asla sma ba mita. Spirit bri nani sut lalka sa, karnika bara pura aimakaia karnika brisa.

Kolosi 2:19

Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

Hibru Nani 2:8

diara sut ba witin karnika munhtara mangkram.” Baku bamna, Gâd mita diara nani sut ba upla karnika munhtara mangkan sa; naha tânka na latan sa diara sut kat ba, upla mina munhtara mangkan sa. Ban sakuna, upla ba diara sut purkara wihta aimakan yawan kau kaikras sa.