Epesus 1:21 - DAWAN BÎLA AISKA

²¹ Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Epesus 1:21 ပူးပေါင်းရင်းမြစ်များ

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Epesus 6:12

Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba.

Kolosi 2:10

bara man nani lika Gâd ni mai banhkan sa, kan Kraist wal asla sma ba mita. Spirit bri nani sut lalka sa, karnika bara pura aimakaia karnika brisa.

Kolosi 2:15

Kraist dus prihni ra pruan ba mita, tasba wihtka nani spirit lâka mapara karnika bri nani ra pura luan, ban sin baha nani ra swira tara pali daukan, bara witin baha nani ba alki priski baku, ai pura luan daknika tilara dingki brih auya kan.

Hibru Nani 1:4

Gâd Luhpia ba lika, insal nani purkara kau tara pali takan sa, kan Gâd mita ai nina yaban ba lika insal nani nina sut purkara sa.

Hibru Nani 2:5

Baha tasbaya naika kabia dukiara yawan aisi ba purara, Gâd mita insal nani ba wihta nani mangkras sa.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.