Epesus 1:11 - DAWAN BÎLA AISKA

¹¹ Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 1:11 ပူးပေါင်းရင်းမြစ်များ

Job 12:13

Sakuna Gâd ba sinskira bara karnakira sa; witin mita diara nani daukaia tânka ba luki sakisa bara tnata alkisa.

Job 33:29

Baku sika Gâd upla ra daukisa, aima kumi bara aima wala ra sin.

Lawana Nani 37:18

Dawan lika, lukanka yamni bri nani ba aihwaki kaikisa; ai yuyaka bri ba ban kaia ra ban bâra kabia.

Sins Lâka 8:14

Wark daukaia tânka ba yang ra sa, bara baha daukaia ba sin, yang sika wapni daukaia lâka, karnika sin.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 5:19

Man nani wisma: “Gâd ai warkka ba aihni daukbia, bara yang nani kaikamna; Gâd holikira Israel ra bâra ba, ai warkka ba yarka mahka daukbia bara yang nani tânka brimna.”

Jirimaya 23:18

¿Sakuna ya Dawan tânka bâra ba kaikisa? ¿Ya pat baha kaikan, apia kaka ai bîla aisin ba walata ki? ¿Ya pat witin ra aman pali walata ki?

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Sakaraya 6:13

Dawan tempelka ba witin kli mâkbia, bara king kum ra kulkanka lâka yabi nani ba bribia. Witin ai iwaika ra iwbia bara tâura wihta aimaki kabia, bara prîs ba sin ai iwaika lamara iwbia, bara wal ai lukanka kumi laman lâka ra iwbia.

Apastil Nani Sturka 13:48

Ju apia nani ba naha walan ba ra, lilia pali takan, bara mahka aisin Dawan bîla ba pain pali sa. Bara baha nani sut raya ban kaia lâka briaia kan nani ba, kasak lukan.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Apastil Nani Sturka 20:32

“Bara nanara, muihni nani, Dawan mihta ra mai mangkuna, ai latwanka lâka tara ba mihta ra sin. Witinka karnika tara brisa, sip sa maikka pâwaia spirit tani ra bara witin pramis maikan ba kat daukbia holikira sakan ba tilara.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Roman 11:34

Bamna Ulbanka ba wisa: “¿Ya Dawan lukanka tânka ba brin ki? ¿Ya mita witin ra lâ smalkan ki?

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

Galesha 3:18

Baku bamna, Gâd yabi dukia ba Moses lâka ba wina ai hilpka brisa kaka, baha lika pramis munan ba dukia apia sa; sakuna Gâd mita Ebraham ra baha ba prisant yaia wisi pramis munan.

Epesus 1:14

Spirit Holikira ba sika Gâd ai uplika nani ra diara yaia pramis munan ba tukinka, bara baha ba baku takbia, Gâd ai uplika nani ra pri lâka yaia win kasak pali aimakbia ba ra. ¡Bamna kaisa Gâd prana ba mayunaia!

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

Epesus 1:8

Gâd ai latwanka lâka manis ba, tânka param wan marikan sins lâka bara diara tânka kaikaia lâka sin wanki ba mita,

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 3:11

Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kolosi 1:12

Bara liliakira Aisa ra tingki wis, kan Gâd king aimaki tasbaya ingnikira ra ai uplika nani mata diara nani ridi daukan ba tilara, man nani sut dukiam sin bahara sa bamna.

Kolosi 3:24

Bamna, man nani pat kaikisma, Dawan mita prapatika maiki ba maikbia. Kan man nani Kraist dukia daukisma, sim kasak Dawankam pali baku.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Taitus 3:7

bara baku mika ai kupia yamnika ba mita, yawan na kasakkira wan kulkbia; bara baku sin raya ban kaia lâka wan kainara briaia ba, yawan bribia mata.

Hibru Nani 6:17

Gâd want kan baha nani ra diara pramis munan ba briaia ba ra, param pali marikaia witin dîa daukaia luki kan ba sip pali lakras kan bara wilin kan baha kat daukaia; ba mita witin ai pramiska ba swer taki kira daukan.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 1:4

bara baku diara manira nani kasbrika purara man nani dukiam wisi Gâd suni bri ba, witin mita maikbia. Baha dukia nani ba lika sip aisawras sa, sip sin tâski takras, bara sin sip sriwras.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.