Emus 9:15 - DAWAN BÎLA AISKA

¹⁵ Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Emus 9:15 ပူးပေါင်းရင်းမြစ်များ

Lawana Nani 44:2

Man mihtam pali ni, idan nani tasbaya wina kangbi sakatma; nisan nani, upla sât wala nani ra klala yaram, bara damiki nani ra yaram, witin nani iwi kan ba tasbaya ra iwaia. Witin nani ra yaram manis sahwan.

Lawana Nani 80:8

Idsip wina wain kiwka kum sakram; idan nani ra yaram bâra mangkan.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Jirimaya 16:15

sakuna witin nani naku aisabia: ‘Dawan raya bamna, Israel luhpia nani ba yahbra tani kuntrika wina, kuntri wala nani ra yakabi swin ba wina sin saki bri balan.’ Yang daukamna man nani kli tasbayam ra balaia, damikam nani ra yabri ba tasbaya ra.

Jirimaya 23:8

sakuna man nani naku swer taki aisi kama: ‘Dawan raya ba mita Israel luhpia nani yahbra kuntrika wina kuntri wala nani wina sin ani anira yakaban ba wina sut saki bri balan.’ Bara witin nani ai tasbaya ra iwi kabia.”

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 32:15

Dawan karnika sut bri ba, Israel Gâdka ba, naku aisisa: Naha tasbaya ra naika upla nani kli balbia utla nani, wain nasla nani atki briaia.’

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Isikiel 37:21

Ningkara wis: ‘Dawan naku wisa: Israel ba nisan wala tilara wih takaskan ba wina sakamna; asla daukamna plis sât sât wina bara yabrika ai tasbaya ra kli tawbia.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Joel 3:20

Pruan nani ba tâwan yang pana witin nani ra munamni, pâtkira pâtka ba, ban swih tikamna apia. Sakuna Juda bara Jerusalem ra upla bâra iwi ban kabia, bara yang, Dawan, Saion ilka ra iwi kamna.”

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!