Emus 9:13 - DAWAN BÎLA AISKA

¹³ Dawan naku aisisa: “Yua nani aula, baha yua ra plawar mâ pihwan nani ba kau kriki bara pat kli mâ mangkaia piua ba aimakan kabia; wain mâ mangkan ba kau taibi danh daukras ba ra, plawar mâ mangkaia piua ba pat balan kabia, il tara nani bara kiuhsi nani bâk, wain laya nani ba laiwi kabia lî plapi ba baku.

Emus 9:13 ပူးပေါင်းရင်းမြစ်များ

Blasi Sturka 49:11

Witin ulaia daiwra lupia ba wain kiwka nani ra wilki swisa, witin ai prâka nani ba sin, wain laya ra tuskisa, wain laya pali ba ni.

Lawana Nani 97:5

Dus nani unta biara ra pâwi ba, blas baku slilwisa Dawan mawanra tasba aiska dawanka ba mawanra.

Aiseya 16:10

Bin tara bara lilia lâka nani insla bilara sâp takan kabia; kli bin bara lilia lâka âpu kabia, insla ra lawana aiwanaia ba sin âpu kabia. Kau sin wain mâ ba taki kabia apia, wain laya sakaia wisi. Bin nani ba sin danh takan.

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Joel 2:24

Bara plawar mâ ailal krikan kabia, wain mâ sin ailal pali takbia, batana laya sin pura laiwi kabia.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Joel 3:20

Pruan nani ba tâwan yang pana witin nani ra munamni, pâtkira pâtka ba, ban swih tikamna apia. Sakuna Juda bara Jerusalem ra upla bâra iwi ban kabia, bara yang, Dawan, Saion ilka ra iwi kamna.”

Libait Lâka 26:5

plawar mâ nani, wain mâ nani piua kat dâkaia brima; wain mâ nani sin ban bri kama, dus mâ wala nani sin ban brih pi kama biamra banhki takma ba kat, bara kuntrikam ra âmyapah iwi kama.

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Jan 4:35

Man nani wisma: ‘Kau kati walhwal ba ra insla mâ nani krikaia piua kabia’; sakuna yang mai wisni: Namkra nani buki insla nani ba ra kaiks, mâ ba pat pihwan sa, mahka krikaia piua sika.

Wihta Nani 5:5

Dawan, man mamwanra, man mamwanra, Israel Gâdka, il nani ba nikwi kan, Sainai ilka ba sin.