Emus 9:1 - DAWAN BÎLA AISKA

¹ Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Emus 9:1 ပူးပေါင်းရင်းမြစ်များ

2 Kronikas 18:18

Bara Micaías kau aisin: —Baku aisaram ba mita, man nani lika Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

Lawana Nani 68:21

Gâd mita ai waihla nani sut lal dakbia baha uplika ban luki saura dauki ba.

Lawana Nani 68:22

Dawan aisin ba: “Basán wina kli mai laki mai bri balamni; yang kabu tihuka nani wina, kli mai bri balamni.

Aiseya 30:16

panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Aiseya 6:1

King Ozías pruan ba manka ra, yang Dawan ba kaikri king iwaika kum ra iwi kan laih purara, pranakira pali; tempel aiska ba ai prana ni banhwan kan.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 42:16

war bara sanglang sîa mai dauki ba baha sut bahara mai alkbia, man nani sut bâra pruma.

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 15:7

Yang param takamni, witin nani ai waihla kaia. Pauta wina swakwi takbia sin, sakuna pauta wala mita angki âpu daukan kabia, bara baha piua ra, yang, man nani waihlam kaia param takamna; man nani damra walma, yang sika Dawan sna ba.

Isikiel 9:2

Ningkara kaikri, waitna matlalkahbi pura durka yahbra tani ra kaiki ba bâk dimi aula sa, bara kumi bani ai mihta ra brih aula sauhki tikaia dukia kum. Bara tilara waitna kum linin kwalka dimi, ai maisa ra ulbaia dusa kum sin brih aula. Dimi balan ba ra, bras altarka lama kat buan sa.

Emus 3:14

kan Israel luhpia nani saurka daukan ba tâwan yang klala yabaia buamna bara Betel altarka nani sut ba sauhki tikamna; altarka ra aringka nani bri ba sin klakamna bara tasba ra kauhbia.

Emus 7:17

Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Sofonías 2:14

Watla nani sut daiki tikan kabia, bara baha watlika ra, sîp daknika nani bahara dimbia, daiwan wail nani sâtka sut sin. Watla slingwanka ra, iskri nani, sikiski nani dimi yapi kabia, katauhkatauh nani sin windarka dusa ra uli katauhki kabia.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 1:32

Bara Jan naha sin win: “Yang kaikri Spirit Holikira butku baku, kasbrika pura wina bal iwi witinka pura kat takaskan ba.

Apastil Nani Sturka 26:13

Sakuna, king Agripa, yabal ra yu 12 aklak kan, ingni kum kaikri kasbrika pura ba wina. Ingnika ba sim yu lapta wal kau karnika bri kan, yang tnaiya kir ingwan, bara baha nani yang wal auya kan ba sut ra sin.

Jasua 10:18

Bara Jasua naha adarka yaban: “Walpa tara nani karbi bri si dimaia untika ba ra praks, bara dimaia pliska ra waitna nani swi banhs aihwaki kaia dukiara.

Param Marikanka 1:17

Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.

Param Marikanka 8:3

Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan. Witin ra dus nani mâka kîa pain uya yan kan, Gâd uplika nani sut pura sunra nani ra praki gul altarka king iwaika mawanra kan ba purara.