Emus 8:7 - DAWAN BÎLA AISKA

⁷ Dawan ai prana Jekob ra yaban ba ra luki, swer taki aisin: “Man nani warkkam nani baku daukisma ba, yang âiya ban pali tiwbia apia.”

Emus 8:7 ပူးပေါင်းရင်းမြစ်များ

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 47:4

Yawan wan prapatika ra witin mita bâk saki wankan, Jekob ba tara daukan, witin mita latwan kaikan bamna.

Lawana Nani 47:5

¡Dawan Gâd ai iwaika ra iwan, wini, lilia bin dauki, trumpit puhbi kira!

Lawana Nani 68:34

Gâd karnika ba aitani kulkisna; kingka lâka bri ba Israel purara, ai karnika ba kasbrika sangni nani ba kat bâra sa.

Impakan Sturka 17:16

bara win: “¡Dawan plakinka ba ai mihta ra alki purara buki bri ba ra! ¡Dawan ba Amalec uplika nani wal war aiklabi ban kabia kiamka kum wina ban kiamka wala nani ra sut!”

Aiseya 22:14

Bâra sika karnika sut bri Dawanka ba, yang ra param taki bara kiaima kat ai aisan: “Naha saurka daukram na, man nani ra ban swih tikan kabia apia; bara man nani pas pruma.” Dawan karnika sut bri ba aisin bîla nani sa.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 44:21

—¿Man nani lukisma Dawan baha kaikras, apia kaka âuya tiwan lukisma, man nani, bara damikam nani, king nani, wihta nani bara upla wala nani sin kîa pain nani angki gâd wala nani ra yabi kan ba, Juda tawanka nani yabalka ra Jerusalem yabalka nani ra sin?

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Emus 4:2

Dawan Gâd swer takan ai holika lâka dukiara: “Yua nani man nani puramra aula, bara alhnika ni mai alki raski mai brih wabia, luhpiam nani ra lika inska alkaia kiulhka ni alki brih wabia.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”