Emus 8:3 - DAWAN BÎLA AISKA

³ Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Emus 8:3 ပူးပေါင်းရင်းမြစ်များ

Lawana Nani 39:9

“Yang bîlas baku, diara aisaras kapri kan, man sut daukisma bamna.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Jirimaya 22:18

Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’

Inanka Nani 2:10

Saion pranakira almukka nani ba sâp taki tasba kat iwisa, krukus kwalka dimi tasba puknika ai lal ra yakabisa. Jerusalem tiarika nani lika, ai lal ba tasba kat makupisa.

Joel 1:11

Man nani, insla bara wain nasla dadaukra nani, tasba ra kauhi sari brih ini banhs; plawar mâ bara barli mâ nani mangkan ba sut, tasba kat tiwan bamna.

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Joel 1:5

¡Bla tatakra nani, man nani bla lâka wina rawi bus! ¡Wain dadira nani, iwi ini banhs, kan bîlam wina, wain laya ba sin sakuya bamna!

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Emus 5:16

Dawan karnika sut pali bri ba naku aisisa: “Asla takaia pliska nani sut ra, yahwi inanka bâra kabia; yabal nani sut ra sari pali ai pura wini ini kabia; insla dadaukra nani ra sin paiwbia, witin nani ai tilara bal inaia wibia, upla wala nani ra sin mana aibapi kabia, witin nani ai pura mata inbia dukiara.

Emus 5:23

¡Man nani, yang maiyunaia lawana aiwanisma ba aiwanpara! ¡Arp kangbi aiwani bin daukisma ba sin walan ai daukras!

Emus 6:4

Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Emus 6:5

Debit lika Dawan mayunaia lawana nani aiwani, mayunra binka sât dauki kan ba baku, man nani sin miusik pulaia dukia bra nani sât sât paskisma.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Nahum 3:3

¡Aras karna nani diara ailal brih auya ba! ¡Sord lipi ingnika saki ba! ¡Langsa pauta klauhi baku ingnika buki ba! ¡Insauhkan nani tausin ailal pali bâra ba, pruan nani ailal pali ba! ¡Upla pruan wîna tara nani sip kulki sakras! ¡Upla ba ai mina prukisa witin nani ra!

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!