Emus 7:8 - DAWAN BÎLA AISKA

⁸ Bara witin bui yang ra maikabi walan: —Emus, ¿man dîa kaikisma? Yang pana wîri: —Utla playa wapni bapaia mangki kaikaia kiwka kum kaikisna. Bara Dawan kli ai win: —Nanara lika, yang kli kupi swapni daukamna apia. Kaiks: upliki Israel luhpia nani warha takan ba, naha wapni mangkaia awa na ni mangki kaikamna ai daukanka nani ba.

Emus 7:8 ပူးပေါင်းရင်းမြစ်များ

2 King Nani 21:13

Jerusalem ba sim Sameria wal dîa daukri ba baku daukamni, Ahab kiamka nani ba lika âpu daukamni, plit sikbi diki klin dauki makupi swi ba baku.

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 34:11

Kaku, sikiski taya kiaikira nani ba, witin ai dawanka takbia, iskri bara kuskuspiram nani witin ra iwbia, bîla man swin kabia kuntrika tasbaya ba.

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Inanka Nani 2:8

Dawan ai kupia wal daukan Saion kutbanka painkira ba sauhki tikaia. Nahki sauhkaia ba laki kaikan ningkara, baha ba daukan tnata alkan ba kat. Tawan tnaya nani bara kutbanka nani ba, witin mita sari lâka tara ra lakan, baha nani sut ba asla kumi baku batakan.

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Emus 7:7

Dawan ba naha yang ra mairikan: Kaikri witin utla tnaya kutbanka wapni kum paskan ba purara uli bûi, ai mihta ra utla playa wapni bapaia mangki kaikaia kiwka ba bri kan.

Emus 8:2

bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sakaraya 4:10

“Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Sakaraya 4:2

“¿Man dîa kaikisma?” Bara yang pana witin ra wîri: “Batana laya watlika gul ni paskan kum kaikisni, batana laikaika kum pura tani ra brisa. Purara lamp 7 bâra sa, batana laya nani ba baha kat wisa, untika 7 bâk.

Sakaraya 5:2

Insal ba maikabi walan: “¿Man dîa kaikisma?” Yang pana witin ra naku wîri: “Wauhtaya ulban kum pâsa ra pâli tauki ba kaikisna. Yarika ba param matsip bara bîla yahpika ba param wâl pura bakriki brisa.”