Emus 7:6 - DAWAN BÎLA AISKA

⁶ Dawan kli ai kupia swapni daukan bara ai win: —Nahki daukri ba man kaikram, sakuna baku kli daukamna apia.

Emus 7:6 ပူးပေါင်းရင်းမြစ်များ

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

1 Kronikas 21:15

Bara Dawan insal kum blikan, Jerusalem ba sauhki tikaia. Bara sauhki kan ba kaiki, Dawan ai kupia ra latwan brin, bara insal ra win: “¡Baha kat takasks, ba kat aitani, kau sauhkpara!” Baha pali minitka ra, Gâd insalka ba Ornán Jebús uplika ba plawar taya saki pliska ba ra kan.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 135:14

Dawan ba ai uplika nani lâka kasakka tânka kat daukisa; ai napakanka nani dukiara sin, ai kupia swapni daukisa.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Jirimaya 26:19

“¿Bara king Ezequías ba Juda uplika nani sin Miqueas ba ikata ki? Baku takras bara ikaia watlika ra: king Dawan sibrinka daukan bara witin ra makaban witin nani ai dukiara kupia swapni lâka ba bribia. Bara latwan saura ba Dawan bui witin nani ra blikras takaskan, witin nani ra baku takbia wisata ba. ¿Bara nanara yawan mita kaiki lâ ba sauhkaia wirhika tara ba wan pura sunaia?”

Jirimaya 42:10

‘Man nani naha tasbaya ra takaski iwaia wilin sma kaka, man nani ra diara yamni nani takaia daukamna; mai sauhkamna apia, mai mangkamna bara kli mai daikamna apia, man nani mai sauhkaia baha pâtka blikri ba kupi wirha takisa.

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Emus 7:7

Dawan ba naha yang ra mairikan: Kaikri witin utla tnaya kutbanka wapni kum paskan ba purara uli bûi, ai mihta ra utla playa wapni bapaia mangki kaikaia kiwka ba bri kan.

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.