Emus 7:5 - DAWAN BÎLA AISKA

⁵ Bara yang wîri: —¡Dawan, pliskam ban takasks! ¿Jekob kiamka nani maura lupia baman ba, nahki bapi buaia sip kabia ki?

Emus 7:5 ပူးပေါင်းရင်းမြစ်များ

Lawana Nani 85:4

Gâd bara wan Sasakra, ¡nanara sin swaki wan sâks bara ban yang nani wal lawi kapara!

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 10:25

Sakuna naha wina pat pali kau piua wihka waras ba ra, klala nani ba brih balan kabia, kupi baiwanka bara lawanki ba mita, witin nani ba sauhki tikan kabia.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Isikiel 9:8

Bara iki tiki kan ba ra yang yakan takaskri, ningkara maiwan ra bawri, bara bîli saki wini aisari: “Dawanki, ¿man kupiam baiwanka ba Jerusalem purara mangkaisma ki Israel kiamka nani takaskuya ba sut sauhki tikma kat?”

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Sakaraya 4:10

“Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Kulki Kaikanka 14:19

Bamna man kupiam pihni lâka pali ba mita naha uplika nani watawanka ba ban swih tikma. Man naha uplika nani pâtka ba kupiam alki takaski swih tikatma ba baku, Idsip ba wina ban naha kat.