Emus 7:14 - DAWAN BÎLA AISKA

¹⁴ Sakuna Emus pana Amasías ra naku win: —Yang sika prapit apia, bara sin lukras sna baku kaia. Yang lika sepad, daiwan nani aihwaki kakaira sna, kwah dusa unta ra pâwi nani ba mâ nani wahbi taukisna ba wina rayaki brisna.

Emus 7:14 ပူးပေါင်းရင်းမြစ်များ

1 King Nani 19:19

Ilayas baha wina taki auya kan, witin Sefat luhpia Ilaidsa ba wal prawan, tasba baiki kan, bîp wainhka yok mangki yan ai kainara tasba baiki kan, bara lâs ba lika witin brih auya kata. Bara Ilayas bûi Ilaidsa kaina bâk tawi ai prâka ni pura prakan.

1 King Nani 20:35

Ban sakuna, waitna kum prapit daknika ba wina, makaban ai uplika kum ra, Dawan adarka ba kat: —¡Ai klaks, pliskam pali! Sakuna wala ba mita wilin apia kan baku daukaia.

2 King Nani 2:15

Bara prapit nani Jeriko ra kan nani ba, naha kaikan bara win: “¡Ilayas spiritka kata ba nanara Ilaidsa ra iwan!” Bara witin nani ai mapara balan, witin wal prawaia; bara witin nani ai mawanra bawan,

2 King Nani 2:3

Bara Betel ra prapit nani bâra kan ba, taki wi banhwan aikuki prawaia, bara Ilaidsa ra win: —¿Man damra walisma Dawan bui man smasmalkrikam ba man wina sakuya ba? Bara Ilaidsa win: —Âu, yang pat nu sna, sakuna man nani diara aisapara.

2 King Nani 2:5

Bara prapit nani Jeriko ra bâra kan ba, Ilayas ra balan, bara win: —¿Man nu sma ki Dawan bui smasmalkrikam naiwa man wina sakuya ba? Bara Ilaidsa win: —Âu, yang nu sna, sakuna man nani diara aisapara.

2 King Nani 2:7

Sakuna prapit nani 50 balan ba ra wiria laihura takaskan, Ilayas bara Ilaidsa ra kaiki kan; bara witin wâl lika Jordan awala un ra bûi kan.

2 King Nani 4:38

Naha ningkara Ilaidsa ba Guilgal ra kli tawi wan, baha tasbaika ra plun wahwan tara bâra kan baha yua nani ra. Bara prapit nani ba witin ai lamara balan, bamna ai albika ra win: “Dikwa tara kumi mangks pauta ra bara bahara plun kum dauks prapit nani ba dakakaia.”

2 King Nani 6:1

Yu kum prapit nani ba Ilaidsa ra win: —Kaiks, naha pliska ra man wal yang nani iwisna na tutukwa sa.

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 20:34

Witin ai sturka nani wala, tâ krikan wina prakan kat ba, Jehú ai ulbanka ra sa, Hananí luhpia, bara Israel kingka nani ulbi sakanka tilara sa.

Job 30:4

Twi twakni wina inma tahpla nani daiki kan, ban sin brum tahpla wakia nani ba sin pi kan.

Emus 1:1

Naha sika Dawan bîla dahra, Sepad Emus sîp nani main kakaira, Tecoa tawanka ra brin ba, Israel ra naika takaia ba, tasba nikbras mani wâl ba kainara. Baha piua ra Ozías Juda Kingka aimaki kan, bara Jeroboam, Joás lupia ba, Israel kingka aimaki kan.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Sakaraya 13:5

ban sakuna, upla kumi bani aisabia: ‘Yang prapit apia, yang insla dadaukra. Yang tuktan wina insla dadaukra sna.’

1 Korint 1:27

Tasba uplika nani sins lâka kakaira baku kulki uplika nani ba, Gâd mita bâk sakan sa, sins lâka kakaira nani ba swira daukaia wisi; bara tasba uplika nani mita swapnikira baku kulki nani ba, witin mita bâk sakan sa, karnakira nani swira daukaia dukiara.

1 Samuil 10:11

Sakuna witin ai uplika kakaira almuk nani kan ba kaikan, Saúl sin prapit nani daknika tilara dahra aisi kan, bara witin nani pana pana tawi aisin: “¿Quis luhpia ra dîa takisa ki? ¿Saúl sin prapit nani kumika takan ki?”