Emus 7:10 - DAWAN BÎLA AISKA

¹⁰ Amasías, Betel ra prîs aimaki kan ba, Israel kingka Jeroboam ra maisa paki wisa: “Israel tasbaya aiska ra, Emus king tara ba mampara warbanka nani daukisa; upla nani lukanka ba sut saura takisa, bara ban ai kainara aisi auya.

Emus 7:10 ပူးပေါင်းရင်းမြစ်များ

Blasi Sturka 37:8

Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

1 King Nani 13:33

Baha sut purkara, Jeroboam ai yabalka saura ba sip swiras kata, kau ban prîs nani mangki gâd bahki ra pura sunaia dukiara, witin yaura mangkaia lukan uplika ra, witin mita yaura yamni luki ba prîs nani mangki kan.

1 King Nani 18:17

Ahab bui Ilayas kaikan ba ra win: —¿Baku ba ra man sma ki Israel luhpia nani ra trabil dauki ba?

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 36:16

witin nani baha walan ba ra, sibrin taki banhwan bara ai walka ra witin nani pana aisin bara win: —Naha sturka na yang nani king ra wiaia sna.

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Emus 1:1

Naha sika Dawan bîla dahra, Sepad Emus sîp nani main kakaira, Tecoa tawanka ra brin ba, Israel ra naika takaia ba, tasba nikbras mani wâl ba kainara. Baha piua ra Ozías Juda Kingka aimaki kan, bara Jeroboam, Joás lupia ba, Israel kingka aimaki kan.

Emus 3:14

kan Israel luhpia nani saurka daukan ba tâwan yang klala yabaia buamna bara Betel altarka nani sut ba sauhki tikamna; altarka ra aringka nani bri ba sin klakamna bara tasba ra kauhbia.

Emus 5:10

Tawan dimaika nani kat, man nani ra lâ tânka mai smalki uplika nani ra misbara kaikisma ba, bara upla kasak nani ra misbara kaikisma ba.

Emus 5:5

Man nani Betel ra wapara, Guilgal ra sin apia, Beerseba bâk sin lui wapara, kan Guilgal uplika nani ba priski tasba wala ra brih wabia, bara Betel tawanka ba slingban kabia.’’

Emus 7:11

Kan witin naku aisisa: ‘Jeroboam ba sord ni ikan kabia, bara Israel luhpia nani ba sut priski tasba wala ra brih wan kabia.’ ”

Matiu 21:23

Jisas tempel ra diman, bara baha ra smalki kan, prîs wihtka nani bara Ju wihtka almuk nani ai lamara balan, bara witin ra makabi walan: —¿Dîa karnika ni naha dukia nani daukisma? ¿Ya mita naha karnika na maikan?

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Apastil Nani Sturka 7:54

Witin nani naha diara nani walan ba ra, ai kupia sauhkan, ai napa nani sin arkban Stiben ba mapara.