Emus 6:4 - DAWAN BÎLA AISKA

⁴ Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Emus 6:4 ပူးပေါင်းရင်းမြစ်များ

Blasi Sturka 37:25

Baha dauki si witin nani plun piaia iwan. Bara tisku kan ai nakra buki kaikan, kaiks Ismael kiamka nani daknika tara kum, Galaad wina aula kan ai kiamilka nani ba prahki, isint kîa pain nani, sîka sâtka nani, dus mâka wina saki daukan saika nani wal. Baha nani dukia nani ba wauhi atkaia Idsip ra waia impaki kan.

Ester 1:6

Bara watla latka ba kwala mapla pihni bara mapla siakni ni skahkan; bara kwalka paman awa nani ba balianta kwalka, kiwa nani ba walpa klauhira nani ra wilkan kan, bara iwaika ba gul bara silbar ni paskan kan; baha purkara sin tasba ba walpa mapla siksa wih pihni wal lalauban kan.

Lawana Nani 73:7

Witin nani nakra nani ba sulhwi ulisa ai kupia lukra saura ba, pura lui brin dauki bamna.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 28:1

¡Alai pali kabia Sameria, Efraín prautka lâka bara kraunka ba, tangnika painkira pranakira ba srawan, baha il plahpia laih purara bâra kan ba, bara wain di lal saura takan ba!

Jirimaya 16:8

“Utla kum ra plun ailal piaki kaka bahara dimpara, witin nani aikuki iwi piaia bara diaia luki

Isikiel 16:49

Muihkam Sodoma saurka ba naha sa: witin bara ai tawanka sirpi nani wal manis pali kwalhwi kata plun manis bri ba dukiara, bara witin baman sip sa baku luki ba dukiara, kuna umpira nani ra tâ baikras kan, baku sin diara luha nani ra.

Isikiel 23:41

krikri painkira kum ra iwi banhwan, bara tibil ba ridi kan, bahara mangkan kan sîka kîa yamni bara batana yamni munan ba sin, yang warkki daukaia.

Emus 3:12

Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Jems 5:5

Naha tasba ra man nani prana bara tasba dukia pain baman bri kapram, bara daiwan baku batanwisma. Ikaia yua ba aimakan sa.