Emus 6:3 - DAWAN BÎLA AISKA

³ Mai sauhki tikaia yua tara aula ba dukiara, man nani lukaia want apia sma, sakuna man nani mita sauhki tikanka tara ba aubi brih aulma sa.

Emus 6:3 ပူးပေါင်းရင်းမြစ်များ

Lawana Nani 94:20

Man sip wihta saura nani wal uplikam takras, witin nani saura daukisa lâ ba mapara;

Smasmalkra 8:11

kan alki klala yaras ai saurka daukan ba mana, naha tâka mita upla kupia ra tuskisa saura daukaia baman.

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Inanka Nani 4:5

Baha nani plun auhni baman pi kata ba, nanara tawan yabalka nani ra kauhi pruisa. Baha nani prana lâka ra kwala balianta talia baman dimi kata ba, nanara tâski yakabi paskan puknika tilara iwisa.

Isikiel 12:22

“¿Dîa wiaia want sa, Israel luhpia nani naha tânka wal: ‘Yua nani luisa, prapit nani lilka kaiki sip alki daukras ba’?

Isikiel 12:27

“Israel watla uplika nani aisi taukisa, diara tânka nani nâra kaiki ba sika piua wihka dukiara sa, piua wihka dahra aisi smalkisa.

Isikiel 23:42

Upla kwâra winanka ba wali banhwi kata, lilia dauki kan ba; waitna nani balan kan ba, upla iwras tasbaya wina kata; baha mairka nani ra sakahki kan mihta ra bangkil nani mangki bara lal ra sin, kraun painkira nani mangkan.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Emus 6:12

¿Walpa tara nani ba purak, aras nani ba pain plapbia lukisma ki? ¿Kabu ra bîp wainhka nani ni, tasba baikbia ki? ¡Lâ wapni daukaia lâka ba, man nani bui puisin daukram! ¡Kasakka lâka daukaia ba sin, laya tahpla ra lakram!

Emus 9:10

Upliki nani tilara saura dadaukra nani sut ba sord malika ra pruan kabia; baha nani naku aisi ba sut: ‘Yawan ra diara takbia apia; baha saurka nani ba yawan ra wan alkbia apia.’

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Matiu 24:48

Sakuna baha albika ba saura kaka, bara ai kupia ra luki ai dawanka ba wihka takaskisa wisi,

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”

Param Marikanka 18:17

¡Bara nakra klipan lupia kumi bilara yuyaka ailal kan ba sut âpu takan!” Duri tara kiaptinka nani sut, impapakra nani, selar nani bara kabu ra wark taki kan nani ba sin, sut laihura takaskan,