Emus 6:1 - DAWAN BÎLA AISKA

¹ ¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Emus 6:1 ပူးပေါင်းရင်းမြစ်များ

1 King Nani 16:24

Bara witin Sameria ilka ba atkan silbar 66 kilo mana Sémer wina; bara baha tawanka witin bui paskan, bara nina Sameria mâkan. Sémer wina atkan bamna, ilka dawanka ba Sémer, baha nina takan wina Sameria mâkan.

Lawana Nani 123:4

¡Pât uya pali yang nani wauhri yuyakira nani wan lawaska kiki kan, bara prautkira nani bahki wan kulki lâka ba sin!

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 48:11

Moab ba piu sut ai kupia kumi iwisa, priski tasba wala ra brih waras sa. Wain laiki swin bâra ba baku sa, batil kum wina batil wala ra laikras, baha mita kîa ba damnika ba aiska ban sa.

Jirimaya 49:31

Yang, Dawan, man nani ra mai wisna: ¡Kainamra waps, baha uplika nani trabil âpu ai âuyapah ba wal aiklas, get nani âpu, prakaika sin âpu, yakan pali iwi ba mapara!

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Emus 9:10

Upliki nani tilara saura dadaukra nani sut ba sord malika ra pruan kabia; baha nani naku aisi ba sut: ‘Yawan ra diara takbia apia; baha saurka nani ba yawan ra wan alkbia apia.’

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

Jems 5:5

Naha tasba ra man nani prana bara tasba dukia pain baman bri kapram, bara daiwan baku batanwisma. Ikaia yua ba aimakan sa.

1 Pita 5:7

Trabilkam taki lukisma ba sut, Gâd mihta ra swis, kan witin lika man nani sut main mai kaikisa.

Wihta Nani 18:7

Baha wina waitna nani matsip ba, mahka Lais tawanka tânka pliki kaikaia wan. Witin nani kaikan Lais uplika nani ba Sidón uplika nani iwi ba baku iwi kan, kupia kumi lâka ra, sâp lâka ra, upla wala nani wal war aiklabras kan, witin nani dîa want ba sut bri kan bara diara luha apia kan. Sidón uplika nani wina sin laihura iwi kan, kiamka wala nani ba wal aikuki sin bisnis briras kan bara bisnis daukras kan.