Emus 4:7 - DAWAN BÎLA AISKA

⁷ “Yang daukri sika, kati yumhpa namsla purara lî auhras kaia ba, kau mâ dâkras ba kainara, tawan tara kum purara baman yabri lî auhan, bara wala nani purara yabri auhras kan. Insla kum kum purara lî auhan, bara insla wala nani ba lika, lî âpu tâka mita srawi luan.

Emus 4:7 ပူးပေါင်းရင်းမြစ်များ

Impakan Sturka 10:22

Moses ai klahkla kasbrika purara bukan, bara tihmia tara kum bal iwan Idsip tasbaya aiska purara.

Impakan Sturka 10:23

Tihmia tara pali aihwa kan ba mita, upla nani ba ai lamara pana pana sip kikras kan, yu yumhpa ai watla nani wina latara takras kan. Ban sakuna, Israel luhpia nani watla lika ingni bri kan.

Impakan Sturka 8:22

Ban sakuna, Gosen tasbaya ra, yang upliki nani iwi banhwi ba ra lika walmu nani blikamna apia; bahara walmu âpu kabia. Baku daukamna ba wina, man kaikma yang sika Dawan, naha tasbaya ra warkki daukisna ba.

Impakan Sturka 9:26

Idsip tasbaya aiska ra baku diara saura pali taki kan, sakuna Gosen tasbaya ra Israel luhpia nani iwi kan ba tilara lika, ais mâ sirpi kumi sin auhras kan.

Impakan Sturka 9:4

Sakuna Israel luhpia nani daiwra ba, Idsip uplika nani daiwra ba wina Dawan mita aihka dakbi sâkbia. Bara Israel luhpia nani daiwra lika kumi sin prubia apia.’

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 14:3

Yuyakira nani albika nani ba lî panhkaia laihura blikisa; lî watla tara nani ra witin nani auya, sakuna lî sakras ai mihta ra, lî watla nani ba bîla man kli tawi aula. Kunin munan swira tara takan, ai lal pura biki tawi aula.

Jirimaya 14:4

Insla dadaukra nani ba witin nani ra sin kunin munan ai dara walisa bara ai lal pura bikisa, kan lî auhras ba mita tasba lâwan pali sa.

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Sakaraya 14:17

Bara baha tasbaya nisanka nani ba tila wina King, karnika sut bri Dawanka ba ra mayunaia Jerusalem ra waras sa kaka, baha nani tasbaya purara lî auhbia apia.

Jan 4:35

Man nani wisma: ‘Kau kati walhwal ba ra insla mâ nani krikaia piua kabia’; sakuna yang mai wisni: Namkra nani buki insla nani ba ra kaiks, mâ ba pat pihwan sa, mahka krikaia piua sika.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Kli Smalkanka 11:17

Kan Dawan bui man nani ra ai kupia sauhki lî blîkbia apia, bara tasba ba plun mâ nani takras kaka, man nani baha tasbaya disang Dawan maikaia ba ra prui tiwma.

Jems 5:17

Prapit Ilayas ba yawan baku upla kum kan; witin lî auhbia apia wisi ai pura sunan ba ra, mani yumhpa pura bakriki naha tasba ra lî auhras kan.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.