Emus 4:13 - DAWAN BÎLA AISKA

¹³ Dawan, il tara nani bara pâsa sin paski ba, witin dîa daukaia luki ba upla ra maisa paki ba, witin ingni ba wina tihmia tara dauki ba, witin tasba pîska kau purara nani ba wapi kaiki ba, Dawan, Gâd karnika aiska bri ba, baha sika ai nina sa.

Emus 4:13 ပူးပေါင်းရင်းမြစ်များ

Job 9:7

Witin lâ mangkisa wan yu ba bal takaia apia, slilma nani ba sin ai ingnika sakaia apia.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Lawana Nani 65:6

Man mita sika, il tara nani ba alki takaski brisma, karnikam brisma ba ni, bahara man karnikam ba marikisma.

Impakan Sturka 10:22

Moses ai klahkla kasbrika purara bukan, bara tihmia tara kum bal iwan Idsip tasbaya aiska purara.

Impakan Sturka 14:20

Kasbrika playka ba Israel luhpia nani bara Idsip war aiklaklabra nani ba wal lilapas kat aimakan. Idsip uplika nani ra tihmia tara baman yabi kan, sakuna Israel luhpia nani ra lika ingni baman yaban. Baha mita Idsip uplika nani ba, tihmia aiska Israel luhpia nani nina bliki kan, sakuna witin nani sip bliki alkras kan.

Aiseya 40:12

¿Kabu tara ba ya pat ai mihta ra alki kulki kaikan, apia kaka ai mihta sirpika nani ba ni kasbrika pura bîla yahpika ba pat wiria kulki kaikan? ¿Ya pat tasba yuya nani ba sut kâp kumi ra auhban, apia kaka, kiuhsi nani il nani ba sut paun ra mangki kaikan?

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 47:4

Yawan atki wan sasakra ba, ai nina karnika sut bri Dawanka, Israel ra Holikira ba, witin aisisa:

Aiseya 48:2

dîa wisma tawan holikira uplika nani, bara tâ baikaia Israel Gâdka ra; witin ai nina ba karnika sut bri Dawanka:

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Jirimaya 10:13

Alwani bîla baikra ni lî auhaia binka ba kasbrika purara daukisa, tasba paskanka ba wina kasbrika nani ba sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 46:18

Yang, king sna ba, bara nini ba Dawan karnika sut brisna, rayaki ni swer takisna: Tabor ilka il nani tilara kau purara ba baku, Carmelo ilka, kabu purara daiwi takan ba baku, waihla aula ba baku sa.

Jirimaya 51:16

Alwani bîla baikra ni lî auhaia binka ba kasbrika purara daukisa, tasba paski tawan ba wina kasbrika nani sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 51:19

¡Jekob Gâdka diara sut bâra ba papaskra ba, witin sât aihka sa! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Daniel 2:30

Baku bamna yang ra baha diara tânka yukuwan ra ba param mairikan, baha wal wiras sna yang na upla wala nani wal kau sinskira sna tânka ba mita lika apia, ban sakuna king dîa kaikan tânka ba wimna, bara king ba tânka bribia, witin ai krikrika ra prawi naika dîa takbia ba luki kaiki kan ba.

Oseas 12:6

Baku bamna, Israel, Gâdkam ra kli tawi bal; kunin âpu wapni lâka ra diara dauks, bara piu sut Gâdkam ra baman kasak luki bas.

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Emus 3:13

Dawan karnika sut pali bri ba, naku kasak aisisa: “Man nani wals bara Jekob watla uplika nani mapara witnis aisas;

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Emus 5:8

Slilma nani daknika: Pupu, Kiswa paskan Dawanka ba, witin mita sika tihmia ba ingni ra laki ba, bara kakna ba tihmia tara dauki ba sin; witin mita sika, kabu laya nani ba paiwisa bara tasba purara laikisa. Diara karna nani purara sauhki tikanka nani blikisa, bara yan wisa kan kahbaika pliska ba purara. Dawan, baha sika witin ai nina ba.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Emus 8:9

Dawan aisisa: “Yang baha yua ra daukamna, lapta wan lal kat yu ingnika ba prakan kabia, bara kakna pali ra tasba ba tihmia tara daukamna.

Emus 9:6

Dawan ai watla ba kasbrika purara brisa, bara kasbrika ba naha tasba na purara mangkan; witin aisi wisa bara kabu laya ba, tasba purara laiwisa. Dawan, baha sika ai nina ba.

Miqueas 1:3

Dawan witin takaski pliska ba wina takbia, bara il nani pura bâk wapi balbia.

Abakuk 3:19

Kan Dawan wina yang karniki aikisa; sula ai karnika brih plapi ba baku witin mita kuhmi dusa nani ra karniki aikbia, bara yang plapi il nani ra uli swak takamna.

Sakaraya 12:1

Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Matiu 9:4

Sakuna nahki Jisas pat kaikan baha nani lukanka ba, bara makabi walan: —¿Dîa kan man nani ban lukanka saura bri banhwisma ki?

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Jan 3:8

Pâsa ba krawisa, witin ani tani wina krawan dauki ba ra; ai binka ba walisma, sakuna kaikras sma ani tani wina aula sapa bara ani tani ra auya sapa. Baku sa ani uplika Spirit wina aisubi taki ba.

Kli Smalkanka 32:13

Pura lui il tasbaya kuntrika nani bâk mai brih wan. Insla pata mâ nani mai dakakan, walpa wina nasma maikan diram, walpa karna ba wina batana laya maikan;

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”