Emus 4:10 - DAWAN BÎLA AISKA

¹⁰ “Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Emus 4:10 ပူးပေါင်းရင်းမြစ်များ

2 King Nani 10:32

Bara baha yua nani ra, Dawan mita Israel tasbaya ba sirpi daukan. Bara Hazael mita Israel tasbaya aiska ba aiklabi pura luan:

2 King Nani 13:3

Bara Dawan ba ai kupia sauhkan Israel luhpia nani ba mapara, bara baha tâwan Hazael, Siria kingka ba mihta ra mangkan, baha purkara sin Ben-hadad, Hazael luhpia waitna kata ba mihta ra mangkan.

2 King Nani 13:7

Bara Joacaz aiklaklabrika nani waitna 50 baman takaskan kata, baku sin aiklabaia waginka nani matawalsip bara waitna nani 10,000 ai mina wapi aiklabi, kan Siria kingka ba bui aiska sut iki tikan bara yamhpus baman daukan kata.

2 King Nani 8:12

bara Hazael makabi walan: —¿Dîa kan man inisma, dawanki? Bara Ilaidsa pana win: —Kan yang kaikisni man mita Israel luhpia nani ra saura munaisma ba, kan kahbaika pliska nani ba sin pauta klauhira mukaisma, wahma nani ra sin sord ni iki tikaisma, tuktika nani lupia ba sin iki tikaisma, bara mairin kwihra nani ba sin ai biara nani ba wina kalki saki ikaisma.

Impakan Sturka 10:27

Ban sakuna, Dawan mita baku daukan, king fero ba kupia karna takaia bara upla nani bîla walras kaia, upla nani ba sin swika taki waras kaia.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 8:19

Bara sukia nani wih king ra win: —¡Naha diara na, Gâd mita daukisa! Sakuna king ba ban ai kupia karna bri kan, Dawan mita win ba baku, Moses bara Eran wal ra bîla walbia apia.

Impakan Sturka 9:12

Ban sakuna, Dawan mita king fero kupia ba karna daukan bara witin Moses bara Eran wal bîla walras, Dawan mita Moses bara Eran wal ra win ba baku.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Aiseya 34:3

Bara witin nani ai pruanka nani ba lulki swin kabia, bara ai wîna tara nani ba bisbaya bukbia; bara il nani bâk witin nani ai tâlia ba awala baku aubi kabia.

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Jirimaya 11:22

karnika sut bri Dawanka ba witin nani ra wisa: “Yang bui man nani wal diara kulki kaikaisna: wahma nani ba aiklabi bara prubia, luhpia waitna luhpia mairin mani sin plun bla prubia.

Jirimaya 15:3

“Yang Dawan, kasak aisisni: Klala sâtka walhwal man nani ra blikaisna: war ra mai ikbia, yul nani mita mai raskan kabia, daiwan tnawira mai pibia, bara daiwan wail nani sin mai pibia.

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 48:15

Moab bara tawanka nani sasauhkra ba pat aula; wahmika kau painkira nani ba prubia. King ba kasak aisisa, witin ai nina ba sika Dawan karnika sut bri ba.

Jirimaya 49:26

Baha yua wahma nani ba yabal ra prawi kabia, aiklaklabra nani bri ba sut pruan kabia. Yang, Dawan ba karnika sut brisna, kasak aisisni.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Jirimaya 9:22

Upla pruan nani wîna ba tasba kat prawisa daiwan tâskika nani tasba ra bâra ba baku, aya dâkaia mihta wina kauhan ba baku, upla kumi sin bal alki bukras.” Dawan ba kasak aisisa.

Oseas 11:5

sakuna witin nani kli, yang ra tawi balaia lukras. Baha mita witin nani kli Idsip ra waia sa, bara Asiria witin purara king aimakbia.

Joel 2:20

Kruhkru nani yahbra wina man ra aula ba, man wina laihura sakamna bara upla iwras tasbaya ra man lulkamni. Kabu Pruan ra tâura daknika ba, yarka sut kwapi prubia, bara ninara aula daknika ba sin, Kabu Mediterráneo ra rungkamna, bahara wîna ba sukwi, bisbaya takbia. ¡Yang diara tara nani daukaisna!”

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Emus 4:6

“Yang bui daukri sika, man nani tawankam tara sut ra plun wahwi kapram ba; yang bui daukri sika, tawankam sirpi nani sut ra plun âpu takan ba. ¡Baha sut daukri sakuna, man nani kli yang ra tawi balras!” Dawan baku kasak aisisa.

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Hageo 2:17

Namsla ra pata mâ nani purara ba sikniska, lî kauhla klaswi auhi ba ni sauhkri, sakuna man nani bui yang ai plikras. Yang, Dawan, kasak aisisna.

Kli Smalkanka 28:21

Man kuntrika pliskam briaisma ba ra, Dawan bui klala blîkka âpu mai daukbia.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 28:60

Idsip purara klala blikan kan ba kaiki sirang iwi kapram ba, man nani puramra sin ban kabia, bara ban pâtkam wahwi kama.

Kli Smalkanka 7:15

Dawan bui siknis nani man nani tilam wina laihura sâkbia, siknis yula sibrinkira man nani kaikram Idsip purara blikan ba, baha ni waihlam nani ra klala yabia.