Emus 3:7 - DAWAN BÎLA AISKA

⁷ Dawan ba diara kumi sin daukras sa, witin ai prapitka ra param sakras sa kaka.

Emus 3:7 ပူးပေါင်းရင်းမြစ်များ

Blasi Sturka 18:17

Bamna Dawan lukan: “Yang diara daukaia lukisna ba Ebraham ra wiaia sna,

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

2 King Nani 22:20

Baku bamna, kupia kumi pruaia maikamni bara damikam nani wal asla takma, bara pâtka saura wal naha pliska ra sauhki tikamna ba, namkra ni kaikma apia.’ Bara king blikan uplika nani ba kli balan, dîa wiaia kan ba witin ra win.

2 King Nani 6:12

Bara albika nani tila ba wina kumi ba mita naku win: —Apia, kingki tara, upla âpu sa. Sakuna prapit Ilaidsa, witin sika Israel kingka ra dîa takaia ba sut param pali wisa, king tara uplikam nani aikuki dîa yapaia rumka ra aisisma ba sut param saki wisa.

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Jirimaya 23:22

Witin nani ba yang tâinka dahra prakan ba tânka kaikan kata kaka, baku lika witin nani bui yang upliki nani ra aisaia sip kan; bara baha nani yabal saura nani ba sin swiaia kan ai daukanka saura nani ba sin swiaia kan.”

Isikiel 29:21

“Baha piua ra yabaisna, Israel tawanka ba ai karnika kau briaia, bara man, Isikiel, sip kama aisaia param pali. Baku mika ai tânka bri banhbia yang sika Dawan sna ba.”

Daniel 10:21

Bamna nanara mai wiaisna baha wauhkataya kasak ba ra dîa ulban ba: Witin nani ba mapara aiklabaia sna ba Maikel hilpka ba baman brisna, wan kingka luhpia ba.

Daniel 11:2

Bara nanara maikrika diara kasak ba tânka brima: ‘Kau Persia king yumhpa king aimaki kabia, baha ningkara king walhwalka ba king aimakbia, witin ba king yumhpa ba sut wal kau yuyakira pali kabia. Ai yuyaka ba ni karnika tara alkan kabia, ai karnika aiska ni Grik tasbaya kingka tasbaya mapara bubia.

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Param Marikanka 1:1

Naha sika Gâd mita Jisas Kraist ra diara nani param marikan ba, witin mita laki ai dukia dadaukra nani ra diara nani pat pali takaia ba marikbia wisi. Jisas Kraist mita ai insalka bliki baha tânka ba ai warkka dadaukra Jan ra latan marikan.

Param Marikanka 1:19

Bamna, dîa kaikram ba sut uls, dîa dîa nanara bâra ba bara naika ra takaia ba sin.

Param Marikanka 10:7

Sakuna insal 7 ba ai trumpitka mahka puhbaia piua balbia ba ra, Gâd dahra yukukan ba aimakan kabia, witin pali ba ai dukia dadaukra nani prapit nani ra win ba baku.”

Param Marikanka 4:1

Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”

1 Samuil 9:15

Saúl kau balras kan ba yua kainara, Dawan bui Samuil ra pat marikan kata naha tânka dukiara: