Emus 3:6 - DAWAN BÎLA AISKA

⁶ War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Emus 3:6 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

2 King Nani 6:33

Bara kau witin baha nani wal aisi kan ba ra, baha sturi twatwilkra Ilaidsa ra balan bara win: —Kasak pali baha Dawan lawanka ba aula bika, ¿dîa kau yang bui witin wina bîla kaikaia sna ki?

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 4:5

“Jerusalem bara Juda ra naha na wis, baha nani kuntrika aiska ra trumpit puhbi maisa paks, karna pali wini wis: ‘¡Kaisa yawan! ¡Asla takaia waia! ¡Baha tawanka kutbanka karna nani ba ra!’

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Isikiel 33:3

Bara aihwawakra ba, suldiar ai waihla nani ba tawan lamara aula ba ra, trumpit ba puhbisa upla ra kaina manis maisa pakaia dukiara.

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Emus 3:5

Daiwan tnawira kum tasba ra kauhbia sa kaka, baha ba tnawira alkaika bâra ba mita sika; daiwan alkaika ba, tasba wina pâlbia kaka, baha ba daiwan kum alkan ba mita sa.

Sofonías 1:16

Trumpit puhbi karna winaia yua kabia, tawan tara karna nani mâkan ba ra, tawer purara paskan ba mapara sin.

Sakaraya 8:10

Naha piua kat upla nani mana bara daiwan nani mana aibapaia diara âpu sa. Waihla bâra ba mita, upla nani tilara kupia kumi lâka sin âpu sa, kan yang mita daukri upla nani ba pana pana mapara saura kaia.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

2 Korint 5:11

Yawan tânka brisa Dawan ra kulkaia ba dîa, baha mita yawan bui upla nani kupia lakaia trai kaikisa. Gâd lika pat yang nani tâinka pain kaikisa, baku bamna brin wan daukisa man nani mita sin baku wan kaiki kama.