Emus 3:11 - DAWAN BÎLA AISKA

¹¹ Baku bamna, Gâd naku aisisa: “Waihlam kum balbia, bara tasbayam na kir kutbi bribia, bara kan kahbaika pliskam ba krikbia bara wamtla tara nani bilara diara nani bâra ba sut saki brih wabia.”

Emus 3:11 ပူးပေါင်းရင်းမြစ်များ

Blasi Sturka 34:27

Jekob luhpia waitna wala nani ba sin ninara wan, pruan nani ba purak taibi lui. Ai lakra mana, witin nani dukia nani bri kan ba sut implikan.

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 Kronikas 36:19

Baha purkara Gâd tempelka ba angkan, Jerusalem kutbanka nani kan ba slingban, king watla nani ra sin pauta angkan, bara diara manakira nani kan ba sut sauhki tikan.

Job 20:21

Ai gridika lâka wina diara kumi sin sip swakras kata, baha mita ai âuyapah lâka ba ban wihka wabia apia.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Emus 3:15

Kauhla bara piua lapta watla nani mâkan ba sut slingbamna; elepant napa ni paskan watla nani ba âpu daukamni, bara king watla tara nani sut sin sauhki tikamni.” Dawan baku kasak aisisa.

Emus 6:14

Bamna Israel luhpia nani, wals; Dawan karnika sut pali bri ba, naku kasak aisisa: “Nisan karna kum man nani mampara aiklabaia blikuna tasbayam ba briaia, yahbra tani Hamat wina, waupasa tani ra Arabá tingnika kat, ai mina ra mai taibi mai bribia.”

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”