Emus 2:4 - DAWAN BÎLA AISKA

⁴ Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Emus 2:4 ပူးပေါင်းရင်းမြစ်များ

2 King Nani 17:19

Ban sakuna, Juda sin Dawan Gâd lâka nani ba kulkras kan, sakuna witin nani ban Israel lâka kat ban tauki kan, dîa witin nani dauki kan ba kat.

2 Kronikas 25:14

Amasías ba Edom uplika nani ra aiklabi pura luan, baha wina brih balan Seír gâdka nani ba, witinka ra mayuni sîka kîa yamni angkan.

2 Kronikas 30:7

Damikam nani kan ba baku kapara, bara muihkam nani baku sin, witin nani kasak lukras kan Dawan ra, ai damika nani Gâdka ra, ba mita witin sauhki tikan, nanara man nani kaikisma na.

Nihimaya 1:7

Yang nani bui man mampara dîa daukri ba, saura pali sa; lâmka daukaia ulbanka nani ulbi Moses ra yaram, yang nani baku daukaia katna ba, baku daukras.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:16

kan yang lâika nani ba lulkan bamna, witin nani lâika bîla walras, riski yua nani ba bahki daukan, kan kupia nani ba ai aidulka nani ninara wan.

Isikiel 20:18

Baku luhpia nani ra makabri, ai aisa nani makabi ba daukbiara, dîa daukaia wi ba daukbiara, aidul aikuki tâski takbiara.

Isikiel 20:24

Dîa muni lâika nani ba daukras kan, lâika nani ba bahki kulkan, yang riski yua nani ba tâski daukan bara ai nakra nani ba ai aisika nani aidulka ba baman kaiki kan.

Isikiel 20:30

“Israel tawanka ra wis: ‘Naku wisa Dawan ba: ¿Dîa muni man nani, almukkam nani baku tâski takaia brinkam sa? ¿Dîa muni yang wal kasak apia sma, aidul yamni kaikras ra mayuni banhwisma?

Isikiel 22:28

Prapit nani ba diara kasak ba yukukisa, kutbanka pihni dauki baku; diara nani kaikisa wisa, bara dahra aisisa kuna ningkara sut ba kunin man takisa. Yang nini ra aisisa wisa, kasakka ba yang bui witin nani ra wiras.

Isikiel 22:8

Kulkanka yabras yang pliski holi ba, bara riski yua nani bâk sakri ba ra sin.

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 12:3

Jekob, witin kau aisubi takras kan ba ra, ai muihni kan dakbi pat mina ra alkan, waitna almuk takan ba ra, Gâd wal aitwaki kan.

Oseas 6:11

Bara Juda, man dukiamra sin, klala briaia piua ba, yang pat aisari sa. “Upliki Israel luhpia nani ba kli piua yamni yabaia lukuna ba ra,

Emus 1:3

Dawan naku aisisa: “Damaskus nani ba saura ailal pali daukan, bamna yang, baha nani ba klala yabras ban swimna apia; kan witin nani, Galaad uplika nani ra saura pali muni ikan, rais unuh ra kapi baku rausauhkan.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Roman 1:25

kan witin nani Gâd kasakka lâka ba kasak lukras, kunin lâka ni kulkan, bara Gâd paskan dukia nani ra ni ai pura suni mayunan, Gâd pali ra lika apia, bara witinka pali ra sika mayuni ban kaia ba. Baku kabia.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.