Emus 2:15 - DAWAN BÎLA AISKA

¹⁵ Pantamangka alki uplika nani ba sin sip bapi bubia apia; isti plapbia sin, ai rayaka sip swaki sâkbia apia, aras ra uli plapbia sin swak takras ban prubia.

Emus 2:15 ပူးပေါင်းရင်းမြစ်များ

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Jirimaya 51:56

Witin nani Babilon sauhki tikaia balan; aiklaklabra nani ba alki priskan, pantamangka nani bri ban ba kriki âpu tikan. Dawan sika Gâd upla bani dîa ai mana briaia ba kat yabisa.

Isikiel 39:3

Bara pantamangka mihtam smihka ra bri kama ba yabrika kauhbia, trisbaya nani mihtam aihkika ra bri wama ba sin kauhaia daukamna.

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.