Emus 1:9 - DAWAN BÎLA AISKA

⁹ Dawan naku aisisa: “Tiro uplika nani ba saura ailal pali daukan, bamna yang bui witin nani ba, sip klala yabras ban swimna apia; kan witin nani mita tawan kum uplika nani sut alki priski, Edom tawanka ra bri si, alba kaia atkan, witin nani ai muihni nani aikuki lâ kum dauki bri kan ba.

Emus 1:9 ပူးပေါင်းရင်းမြစ်များ

2 Samuil 5:11

Baha mita Hiram Tiro kingka ba, ai lengstarka ba Debit ra blikan, baha purkara utla mâmakra bara walpa tara klaklakra nani sin blikan, witin nani yalam dusa nani brih wan, bara King Debit iwaika watla ba mâkan.

Lawana Nani 83:7

Guebal, Amón bara Amalec, filisteo nani sut, Tiro ra iwi nani,

Jirimaya 25:22

Tiro, Sidón kingka nani sut ra sin; Mediterráneo kabuka tawanka nani kingka ra sin yabri;

Jirimaya 47:4

Filisteo nani ba âpu daukaia aikan bamna, witin nani Tiro, Sidón wina dakbi sakaia hilpka nani briaia ba takaskbia.” Âu, filisteo nani ba Dawan mita sauhkbia, witin nani Creta wina balan ba.

Isikiel 27:1

Dawan ba yang ra balan bara ai win:

Isikiel 27:27

Yuyakam nani brisma ba, diara nani brisma ba, bara atkaia dukia brisma ba selarkam bara pailatkam nani ba, duri ukum tukuski nani ba, diara âiatkra nani ba, war aiklaklabra, bara duri tara bilara wark dauki sut ba kabu mununhtara iwi wabia bahara rungkma yua ra.

Isikiel 28:1

Dawan ba yang ra balan, bara ai win:

Isikiel 28:18

Saurka ailal pali daukram, bara aisawram pali sma atkaia dukia nani brisma ba wal; tempelkam nani sin tâski daukram. Bara yabri tilam kat urhwan pauta klauhan kum bâra âpu mai daukbia dukiara. Upla sut mai kaikbia nanara naha tasba ra, yamhpus baman takram ba.

Emus 1:11

Dawan naku aisisa: “Edom uplika nani ba saura ailal pali daukan, bamna yang, witin nani ba sip klala yabras ban swimna apia; kan witin nani aiklabaia sordka ai mihta ra alki brih, ai kupia lukras kira ai muihni Israel luhpia nani ra nina blikan. Ai kupia baiwanka ba, witin nani purara brih lui wan, witin nani misbara kaikan lâka ba tnata âpu pali kata.

Emus 1:6

Dawan naku aisisa: “Gaza uplika nani ba, saura ailal pali daukan, bamna yang, baha nani ba klala yabras swimna apia; kan witin nani mita tawan kum uplika nani aiska alki priski brih wan, bara Edom tawanka ra bri si alba kaia dukiara atkan wan bamna.

Abdías 1:11

Waihla nani bal tawan bilara dukia kukanka nani ba impliki kan ba ra, suldiar nani kuntri wala wina bal Jerusalem tawan getka ba kriki kan ba ra, ¡man muihkam tâwan aisaras tnaya ra tawram! Diara nani witin nani brin ba lat lulki kaiki ai mânka tilara yui brih wan, ¡bara man sin witin nani daukan ba baku daukram!

Sakaraya 9:1

Naha bîla nani na sika, Dawan aisin ba Hadrac kuntrika, Damaskus tawanka mapara: “Siria tawanka tara nani sut ba, Dawan tawanka sa, Israel kiamka nani sut Dawan uplika nani ba baku.

Matiu 11:21

“¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 11:22

Sakuna yang bui man nani ra mai wisna, lâ daukbia yua ra, Tiro bara Sidón uplika nani wal, man nani kau pât saura brima.

Luk 10:13

“¡Nahki man ra saura kabia, Corazín tawanka! ¡Nahki man ra saura kabia, Betsaida tawanka! Kan sain aihka nani man nani tilamra daukan ba, Tiro bara Sidón ra ni daukan kata kaka, witin nani patitara ai saurka nani wina ai kupia laki, krukus kwalka dimi, yamhpus ni sin ai wîna ra yuki kaia kan.

Luk 10:14

Sakuna lâ daukaia piua tara ra, Tiro bara Sidón ba wal, man nani sika kau pât tara brima ba.