Emus 1:8 - DAWAN BÎLA AISKA

⁸ Asdod tawanka ra king aimaki ba, yang bui sauhki tikamna, baku sin Ascalón wihtka tawanka ba sauhkamna. Bara Ecrón uplika nani mapara sin karniki aiska wal dimi wamna, tila nani bâra ba sut pruan kabia.” Dawan baku aisisa.

Emus 1:8 ပူးပေါင်းရင်းမြစ်များ

2 Kronikas 26:6

Ozías ba filisteo nani mapara buaia diara kum daukan baku munka plapaia, bara Gat, Jabnia bara Asdod ra kutbanka nani slingban, bara Asdod tasbaya ra tawan nani paskan filisteo nani tilara.

Lawana Nani 81:14

wan nakra klipanka kum baku yarka waihla nani ba witin ra bawaia kan, bara klala yabaia kapri ai mapara bûi nani ra!”

Aiseya 1:25

Mihti man nani mampara kli bukamna, dipastikam nani ba sut pali angkamna; tâskikam nani ba wina klin pali mai daukamna.

Aiseya 20:1

Piua kum bâra kan, Asiria kingka Sargón mita, war lalka tara kum Asdod tawanka ra blikan. War lalka tara ba bahara wih aiklabi pura luan.

Jirimaya 47:1

Naha bîla nani na sika Dawan Jirimaya ra aisin filisteo nani dukiara, king fero, Gaza ra aiklabaia kau waras kau ba kainara:

Isikiel 25:16

Baha mita, yang Dawan sna ba, naku wisni: Mihti bukamna klala yabaia filisteo nani ra âpu daukamna quereteo nani ra, bara kabu un ra takaskan nani sut sauhki tikamna.

Joel 3:4

“Tiro, Sidón bara Filistea, ¿man nani ba yang wina dîa brin mai daukisa ki? ¿Man nani pana diara ai munaia lukisma ki? ¿Diara kum mana, yang wina sakaia lukisma ki? Man nani pana ai munaia lukisma kaka, ¡man nani dîa daukram ba nanara pali lamla purara blikamna!

Emus 1:7

Witin nani baku daukan bamna, yang Gaza tawanka walpaya kutbanka ba purara pauta klauhan blikamna; bara baha pata klauhan ba wihta tara watla nani ba sut angkbia.

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Abdías 1:18

Jekob bara Josep kiamka nani ba pauta aswan bâra lakwi ba yabia. Bara Isau kiamka nani ba twi lâwan baku takbia, bara baku baha pauta aswan buki klauhi ba mita twi lâwan nani ba angki âpu daukbia. ¡Isau kiamka wina, kumi sin swak takbia apia! Yang, Dawan, baku aisisna.”

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Sakaraya 9:5

“Ascalón tawanka uplika nani baha kaikbia ba ra, kasak sirang iwbia. Gaza tawanka uplika nani sin pât uya wauhbia, Ecrón uplika nani sin bîla kaikanka âpu takbia. ¡Gaza ra king âpu kabia, Ascalón ra sin upla âpu!

Sakaraya 9:6

Upla masraka sât sât Asdod ra iwi kabia, bara baku daukrika filisteo nani prautka lâka ba mâyara iwbia.

1 Samuil 6:17

Gul yukrika nani matsip ba filisteo nani bui ai saurka nani mana baku prisantka Dawan ra yaia daukan ba, baha ba tawan matsip dukiara kan: Asdod, Gaza, Ascalón, Gat bara Ecrón;