Emus 1:4 - DAWAN BÎLA AISKA

⁴ Baha daukan ba tâka mita, king Hazael watla nani ba yang angkamna, bara king Ben-hadad watla nani ba sin ambia.

Emus 1:4 ပူးပေါင်းရင်းမြစ်များ

1 King Nani 19:15

Bara Dawan pana win: “Yabalkam bâk kli tawi was, Damaskus upla iwras, tasbaya bâk. Bara Hazael ba Dawan yamnika yaia batanka ba ni laiks, Siria kingka kaia,

2 King Nani 13:25

Bamna Joás, Joacaz luhpia ba, Ben-hadad mihta wina tasba nani ai aisika Joacaz mihta wina war aiklabi dakban kan ba kli dakbi brin. Bara Joás bui aima yumhpa Ben-hadad ra pura luan, bara Israel tawanka nani ba baku kli dakbi brin.

2 King Nani 13:3

Bara Dawan ba ai kupia sauhkan Israel luhpia nani ba mapara, bara baha tâwan Hazael, Siria kingka ba mihta ra mangkan, baha purkara sin Ben-hadad, Hazael luhpia waitna kata ba mihta ra mangkan.

2 King Nani 6:24

Naha diara nani ningkara, Ben-hadad, Siria kingka ai aiklaklabrika nani sut ba asla daukan, bara Sameria ra balan aiklabaia, baku bamna kir kutban.

2 Kronikas 16:2

Bara Dawan tempelka ra king watla ra gul bara silbar nani kukan ba, Asá bal baha nani sut sakan, bara dukia nani ba Ben-hadad, Siria kingka ra blikan, witin Damaskus ra iwi kan. Bara king ra naha bîla sin blikan:

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 49:27

Damaskus kutbanka ba yang angkamna, bara baha pata klauhanka ba mita Ben-hadad watla tara nani ba angki sauhkbia.”

Isikiel 30:8

Yabrika kuntrika ba pauta ni angki sauhki tikan kabia bara ya ya tâ baiki ba sut, baku mika ai tânka bri banhbia yang sika Dawan sna ba.

Isikiel 39:6

Pauta klauhan blikamna Magog purara bara lamni ba kabu lamara iwi nani purara. Baku mika ai dara wali banhbia yang sika Dawan sna ba.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Emus 1:10

Witin nani baku daukan bamna, Tiro tawanka walpaya kutbanka ba purara yang pauta klauhan blikamna, bara wihta tara nani watla ba sut ambia.”

Emus 1:12

Witin nani baku daukan bamna, yang Temán tawanka uplika nani purara pauta klauhan blikamna, bara Bosrá tawanka ra, wihta tara nani watla sut ba aman kabia.”

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Emus 1:7

Witin nani baku daukan bamna, yang Gaza tawanka walpaya kutbanka ba purara pauta klauhan blikamna; bara baha pata klauhan ba wihta tara watla nani ba sut angkbia.

Emus 2:2

Witin nani baku daukan bamna, yang bui Moab uplika nani purara pauta klauhan blikamna, bara baha pauta klauhan ba mita Queriot tawanka ra wihta tara watla nani ba sut ambia. Bara upla kwâra nani aiklabi, trumpit puhbi bin tara dauki kabia ba tilara Moab uplika nani ba prui banhbia.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Wihta Nani 9:57

Dawan sin baku dauki, Siquem uplika nani sin tala laikan mana ba yaka aibapaia kan. Bara baku sin Jerubaal luhpia Jotam, lahtuban bîla witin nani mapara aisin ba sin yaban baha yua aimakan.