Emus 1:14 - DAWAN BÎLA AISKA

¹⁴ Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Emus 1:14 ပူးပေါင်းရင်းမြစ်များ

2 Samuil 11:1

Piu kum lî sikwaia piua ra, king nani ai natka ba baku war ra waia piua ra, Debit Joab ba blikan wihta tara nani aikuki, Israel suldiarka nani sut sin, bara Amón uplika nani ba sut sauhki tikan, Rabá tawanka ba sin kir kutban. Ban sakuna, Debit witin lika waras Jerusalem ra takaskan.

2 Samuil 12:26

Baha piua ra, Joab bui Amón uplika nani tawanka Rabá mapara aiklabi ban auya kan, tawanka ba pat alkuya kan ba ra,

2 Samuil 12:31

upla kau tawan ra bâra kan ba alkan bara wark takaia mangkan, sâ klakaia, ayan ni hu paskaia, asa ni klakaia bara walpa nani baikaia, baku sin diara angkaia watla walpa ni paskaia. Amón uplika nani tawanka nani sut wal sim baku daukan, baha ningkara ai daknika wal kli Jerusalem ra balan.

1 Kronikas 20:1

Piua kum, twi kura baiwi katka ra kan taim, king nani ai natka ba kat impaki watauki kan, bara Joab ba impakan ai war waitnika nani kira bara Amón uplika nani bâra ba tasbaya ra wan. Bara Rabá tawanka ba kutban, ningkara aiklabi sauhki tikan. Baha piua ra Debit lika Jerusalem ra takaskan.

Job 39:25

Trumpit puhbanka ba ni winanka ba pana aisisa; kau laih wina pat war aiklabi kîa ba kiawalisa bara tâ uplika nani bîla baikra winanka ba sin walisa.

Lawana Nani 83:15

¡baku nina blîks warbrikam ba wal, bara sirang iks man payaskam saura ba wal!

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Jirimaya 49:2

“Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Isikiel 21:20

Yabal kum klakaia kama bahak king ba ai sordka wal bâk luaia ba. Tawanka nani ba Rabá, Amón tasbaya bara Jerusalem, Juda kutbanka tara pali ba.

Isikiel 21:22

Mihta aihkika wina trisba ba takan, Jerusalem tani ra marikisa, bara baha tânka, dahra wal kutbi alkaia dukia ni dimi iki tikaia sa, war aiklabia pura wini kira, durka nani ba yuski munbia, uli aiklabaika kum daukbia, bara aiska pali kutbia.

Isikiel 21:25

Bara man, Israel kingka, upla âikra saura pali, klalka briaia piua baila pali sa.

Isikiel 25:5

Rabá ba kiamil nani piaika twiya daukamna, bara Amón ba sîp nani tasbaya ra lakamna. Baku mika man nani damra walma yang sika Dawan sna ba.

Isikiel 25:7

Baku bamna mihti man nani ra bukamna klala maikaia; bara nisan nani mihta ra mai mangkrika, dîa brisma ba sut mihtam dakbia dukiara. Tawan nani tila wina mai sakamna, nisan nani tila wina mai tikamna, aiska pali mai sauhkamna. Baku damra walma yang sika Dawan sna ba.’

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Emus 2:2

Witin nani baku daukan bamna, yang bui Moab uplika nani purara pauta klauhan blikamna, bara baha pauta klauhan ba mita Queriot tawanka ra wihta tara watla nani ba sut ambia. Bara upla kwâra nani aiklabi, trumpit puhbi bin tara dauki kabia ba tilara Moab uplika nani ba prui banhbia.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)