Emus 1:13 - DAWAN BÎLA AISKA

¹³ Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Emus 1:13 ပူးပေါင်းရင်းမြစ်များ

2 Samuil 12:31

upla kau tawan ra bâra kan ba alkan bara wark takaia mangkan, sâ klakaia, ayan ni hu paskaia, asa ni klakaia bara walpa nani baikaia, baku sin diara angkaia watla walpa ni paskaia. Amón uplika nani tawanka nani sut wal sim baku daukan, baha ningkara ai daknika wal kli Jerusalem ra balan.

2 King Nani 15:16

Bara Menahem mita Tífsah sauhkan bara diara nani bâra ai tasbaya ra kan ba aiska pali impliki âpu daukan, Tirsá wina tâ kriki, bara mairin kwihra nani ra sin biara baiki kalkan. Baku daukan witin nani bui tawan durka nani bukutbras kan ba tâwan.

2 King Nani 24:2

Sakuna Dawan mita Joaquim mapara âimplikra nani Caldea, Siria, Moab bara Amón wina blikan. Baha nani ba Juda mapara blikan sauhki tikbia dukiara, dîa Dawan mita ai prapitka nani bâk aisan kan ba kat.

2 King Nani 8:12

bara Hazael makabi walan: —¿Dîa kan man inisma, dawanki? Bara Ilaidsa pana win: —Kan yang kaikisni man mita Israel luhpia nani ra saura munaisma ba, kan kahbaika pliska nani ba sin pauta klauhira mukaisma, wahma nani ra sin sord ni iki tikaisma, tuktika nani lupia ba sin iki tikaisma, bara mairin kwihra nani ba sin ai biara nani ba wina kalki saki ikaisma.

2 Kronikas 20:1

Piu kum luan ningkara, Moab bara Amón uplika nani ba meunita nani kira asla taki, Josafat mapara bal aiklaban.

2 Kronikas 20:10

Bamna nanara, nâra sa Amón uplika nani, Moab uplika nani bara Seír untika biara ra iwi uplika nani sin, bara Israel luhpia nani Idsip wina aula kan taim man naha tasbaya nani ba ra diman mai daukras kan, sakuna baha wina tnaya ra tawan kan, baha mita sauhki tikras kan.

Nihimaya 2:19

Sakuna Sambalat, Horón wina, Tobías tasbaya wihtka ba, Amón, bara Guesem Arabia wina ba witin nani baha sturka walan ba ra, yang nani dukira saura luki laiwaska kiki banhwan, bara naku ai win: —¿Man nani dîa daukaia lukisma? ¿Ban kra king mapara bûi banhwaia lukisma ki?

Lawana Nani 83:7

Guebal, Amón bara Amalec, filisteo nani sut, Tiro ra iwi nani,

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Jirimaya 25:21

Edom ra, Moab ra bara Amón ra sin;

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Isikiel 25:1

Dawan ba yang ra balan bara ai win:

Isikiel 35:10

‘Man wiram: Israel kuntrika ba, ai kingka lâka wâl kira yang duki kabia; yang ai dawanka kamna, Dawan bâra iwi ban kabia.

Oseas 13:16

Sameria uplika nani, witin ai klalka ba bribia, ai Gâdka ba mapara buan bamna. Witin nani sord malika ra prubia, ai luhpia nani ba tasba ra lulki saban kabia bara mairin kwihra nani, biara ba klaki baikbia.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Emus 1:3

Dawan naku aisisa: “Damaskus nani ba saura ailal pali daukan, bamna yang, baha nani ba klala yabras ban swimna apia; kan witin nani, Galaad uplika nani ra saura pali muni ikan, rais unuh ra kapi baku rausauhkan.

Kli Smalkanka 2:19

Sakuna Amón uplika nani wal prawma kaka, baha nani sin Lot kiamka nani sa; witin nani ra watawi munpara, wal aiklapara, baha nani tasbaya wina sin tasba pîs lupia pan maikamna apia, tasbaya ba yang pat yabri witin nani ai dukia.’