Daniel 9:26 - DAWAN BÎLA AISKA

²⁶ Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Daniel 9:26 ပူးပေါင်းရင်းမြစ်များ

2 Samuil 21:5

Witin nani win: —Baha waitnika wan sauhki tikaia lukanka brin ba wan sakaia, yawan nani na Israel ra ban takaski iwi kaia apia dukiara,

Lawana Nani 22:15

Bîli sin lâwan, laya âpu sa; yang twisi na dairkaya kat alkan. ¡Man bui yang na, prura tasbaika kat ai bri balram sa!

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 28:22

Bamna, ¡nanara man nani, upla mina praprukra lawaska kakikra nani kapara!, mai priskanka nani ba kau karna mai taibaia apia. Kan sauhki tikaia karnika sut bri Dawanka ba wina yang walri, pat luki kaikan sa kuntri aiska purara daukaia ba.

Aiseya 53:8

Witin pât âpu pali kan silak watla ra mangkan bara upla kum sin âpu kan witin tâwan aisaia; upla kumi sin witin dukiara dîa takbia ba lukras kan. Naha tasba wina upla nani ba mita daiki sakan, upliki nani saurka ba mita witin ra ikan.

Aiseya 8:7

Bara Dawan mita witin nani ba Éufrates awala lisamra tara dingkan karna aubi ba ra dingkbia (baha wibia kaka Asiria kingka ai karnika sut bri ba mihta ra). Witin nani tnaya bani ra lisamra ba mita pura lubia, ai lamara nani ba sut,

Jirimaya 46:7

¿Baha ba ya Nilo lisamra dingkan baku ba, awala kum lî karna aubi baku ba?

Jirimaya 51:42

Kabu laya Babilon ra ulan, ripka tara nani mita pura bikan.

Daniel 11:10

‘Sakuna yahbra tani kingka luhpia nani ba, war aiklabia bubia, bara aiklaklabra daknika tâ kum sin asla daukbia. Witin nani ai tila wina kumi waupasa tani ra aiklabaia pura lubia, bara sauhki tikbia lisamra dingki sauhki bal baku; ningkara kli balbia bara waupasa tani kingka kan kahbaika pliska ba sin dakbi bribia.

Daniel 11:17

Baha purkara, ridi taki buan kabia muna tani tasbaya aiska dakbi briaia, baha wal aisi kupia kumi taki ai luhpia mairin baha kingka wal maya baikan kabia, kingka tasbaya ba sauhki tikaia lukanka brih, sakuna baha lukanka ba bahki ra tawbia.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Oseas 1:9

Bara Dawan Oseas ra win: “Baha tuktika nina ba Lo-amí mâks, kan man nani ba nanara yang upliki apia sma, yang sin man Dawankam apia sna.”

Emus 8:8

¿Baha daukram ba tâka mita, tasba na tatatwan kabia apia ki? ¿Upla nani tasba purara iwi ba sut sin inbia apia ki? ¡Idsip ra Nilo awala lisamra tara uli kli rahwi ba baku, tasba na uli, lahwi kabia!

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Matiu 22:2

“Gâd king aimaki lâka ba lika king kum ai luhpia waitna marit takan bara lilia tara kum daukan ba baku sa.

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.

Matiu 23:38

Bamna kaiks man nani wamtla ba nahki bîla man swin ba;

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Mark 13:2

Sakuna Jisas witin ra win: —¿Man nani naha watla paskanka tara nani na kaikisma? Nahara walpa kumi sin, walpa wala purara ban kabia apia. Sut kat sauhki tikan kabia.

Mark 13:7

“Sakuna man nani war sturka bara trabil nani ba sin walma ba ra, sirang iwpara, baha ba baku kaia sa bamna; sakuna tnata piua ba kau kabia.

Mark 9:12

Witin bila: —Kasak pali sa, Ilayas pas aula, bara diara nani sut wapni daukisa. ¿Bara Ulbanka nani ra Upla Luhpia Waitna dukiara dîa wisa? Bahara wisa witin kasak pât wauhbia, bara bahki kulkan kabia.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Luk 21:6

—Yua nani balbia ba ra, naha diara nani man nani kaikisma na sut sauhki tikan kabia, bara walpa kumi sin walpa wala purara ban swin kabia apia.

Luk 24:26

¿Bamna Misaya dukia apia kan ki naha pâtka nani wahwi si, ai prana ra dimi iwaia?

Luk 24:46

bara naku sin win: —Baku ulban sa, Misaya ba pruaia kan, bara yu yumhpa kat pruan nani wina kli buaia;

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

1 Pita 2:21

Bamna Gâd bui man nani naha dukiara mai paiwan sa; kan Kraist lika man nani dukiamra pât wahwan, bara witin daukan baku daukma wisi ai lâka ba sin maikan, ai mina wapanka nani nina blîkma dukiara.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.