Daniel 9:24 - DAWAN BÎLA AISKA

²⁴ ‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Daniel 9:24 ပူးပေါင်းရင်းမြစ်များ

2 Kronikas 29:24

Baha ningkara prîs nani ikan, tâlia nani laikan altar purara, prisant baku saurka mana saurka swika tikbia dukiara, Israel aiska sut dukiara, king pat adar yaban kan sakripais ba Israel aiska ra daukbia.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Aiseya 42:4

Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Aiseya 51:6

“Man nani namkra ba kasbrika purara kaiks, bara man nani tasba mâyara sin kaiks; kasbrika pura ba lap tiwan kabia, kiasma baku, bara tasba ba almuk takbia dimaia kwalka almuk taki ba baku, bara baku natka ra upla nani ba sin tanis tiwbia, kukas baku prui tiwbia. Sakuna yang swaki mai sakri lâka ba, bâra ban kabia lui waras, kasakki lâka bara pura luanka ba wal tiwbia apia.

Aiseya 51:8

kan witin nani ba kwala yula mita pi ba pibia, linin kwalka ba liwa mita pi ba baku. Sakuna yang pura luisna lâka ba lika lui wabia apia ban kaia ra, bara swaki sakangki lâka ba sin bâra ban kabia.”

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Isikiel 28:12

“Man, upla luhpia, pruan lawana kum aiwans, Tiro kingka pura mata, bara wis: ‘Dawan ba naku wisa: Man ba sampla kum sma, kasakka mapara, sins lâka aibanhwan bara kasak prana pali sin.

Isikiel 4:5

yu 390, wibia kaka, Israel saura daukan ba, yu kum ba mani kum sa.

Isikiel 4:6

Naku yua nani alkma ba ra, aihkikam tani ra aitnikma, bara man puramra Juda saurka nani mangki twilkma yu nani 40 prais, mani bani saurka mana yu kum maikisni.

Libait Lâka 25:8

“Man nani kulkaia sma 7 wik, mani kum ra. Bamna 7 mani ba 7 wik wal kulkaia, bara 49 mani,

Libait Lâka 8:15

Bara Moses bal bîpka wainhka lupia ba skiru ni sabi ikan, bara tâlia ba ai mihta sirpika nani ra buski bara altar ra aringka nani ba ra yuki, altar ba tâski âpu sunu daukan. Bara tâlia ba altar lamara laikan, bara baku altar ba sin, Dawan yamnika yaban bahara wan saurka swin tikan sakripaiska ba dauki bara yamnika briaia.

Sakaraya 4:14

Bara witin kli ai win: “Baha nani wâl ba sika, bâk saki ridi daukan sa, Dawan warkka daukaia tasba aiska ra.”

Kulki Kaikanka 14:34

Man nani yu yawanaiska wâl baha kuntrika tânka ba yukuwi kaiki kapram; baha baku sin mani yawanaiska wâl pâtkam wirhika ba twilki tauki kama. Yu kumi ba, mampara mani kum takbia, bara yang klailka ba bri banhma.’

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Matiu 11:13

Prapit nani sut bara Moses lâka sin kasbrika purara ba king aimaki ba lâka dukiara aisin, Jan balan ba kat;

Matiu 4:5

Ningkara, dibil Jerusalem tawanka holikira ra brih wan, bara tempel bahna ra suni,

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 21:22

Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Jan 1:41

Andru ai muihni Saiman pliki saki, naku win: —Yang nani Misaya ba sakri (baha tânka lika Kraist).

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

Apastil Nani Sturka 3:22

Baku bamna, Moses mita wan damika nani ra naku maisa pakan sa: ‘Dawan Gâd mita man nani muihkam nani tila wina, prapit kumi saki blîkbia yang ai blikan na baku. Bamna man nani bui witin ai smalkanka ra pain wali bas.

Apastil Nani Sturka 4:26

Naha tasba kingka nani sin ridi taki buan, kuntri nani wihtka tara nani sin asla takan Dawan mapara, bara ai Kraistka mapara sin.’

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Kolosi 1:20

Bara Kraist ba mita, naha tasba aiska na, witin wal kupia kumi lâka daukaia, bamna Kraist dus prihni ra pruan ai tâlia laikan ba mita diara nani tasba ra ba, bara kasbrika purara ba sut kupia kumi daukan.

Kolosi 2:14

Tras kum wan mapara bâra kan ba, pât ra sin wan brih wi kan ba, Gâd mita aibapan. Baha traska ba sut pali âpu daukan, silak ra saban ba mita.

Hibru Nani 10:14

Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: