Daniel 9:23 - DAWAN BÎLA AISKA

²³ Man mahka puram sunatma ba piua wina, Gâd bui man ra pat pana mai aisin sa. Yang balri na param mai wiaia, kan Gâd ba man ra uya pali latwan mai kaikisa. Baku bamna, nanara naha diara nani ra aman pali wali bas, baku mika man diara aihka kaikram ba tânka brima:

Daniel 9:23 ပူးပေါင်းရင်းမြစ်များ

2 King Nani 19:20

Bara Aiseya mita Ezequías ra ai bîla bliki win: “Dawan Israel Gâdka ba naku wisa: ‘Senaquerib Asiria kingka dukiara yang ra makabram ba, walri sa.’ ’’

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Yamni Kulki Lawana 7:10

Yang lika laitwankira waitna ba dukia sna, witin ai kupia latwanka ba, yang ra ai aubi brih balisa.

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Isikiel 24:16

“Man kau want sma uplika ba man wina mahka sakaisna. Sakuna man sari bri inpara, namkra laya sin sâkpara.

Isikiel 26:12

Yuyakam nani ba âpu daukbia, diara brisma nani ba sut brih wabia, kutbanka nani ba sin slingbi âpu daukbia, bara king watla pranakira ba sin mâyara batakan kabia; walpa nani ba kabu ra lulkan kabia, utla bînka nani ba slingbi sut yakaban kabia tasba ra.

Daniel 10:1

Persia kingka Ciro mani yumhpa king aimaki kan piua ra, Daniel nina wala Beltsasar mâki ba, diara aihka kum kasak pali kan kaikan ba, sakuna tânka ba briaia karna pali kata, sakuna baha dukiara Daniel kasak pali tânka pliki kan, bara sip kan diara aihka kaikan ba tânka pain briaia.

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Daniel 6:3

Daniel ra sika upla sut bui aitani kulkan kata pura kakaira wala nani bara tasba pîska bani wihtka nani sut ba purkara kaia, kan witin ba sip pali kan ba mita. Bara king bui sin ai tasbaya aiska lalka mangkaia lukan.

Matiu 24:15

“Prapit Daniel ulban diara tâski ban swin tiwi ba dukiara; man nani naha na plis holikira ra balan sa kaikma ba ra —ya aisi kaiki ba, tânka pain bri kabia—,

Luk 1:28

Witin bâra kan ba pliska ra insal ba bal dimi, naku win: —¡Lamkula maikisna, mairin yamnikira sma ba! Dawan ba man wal sa.