Daniel 9:13 - DAWAN BÎLA AISKA

¹³ Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Daniel 9:13 ပူးပေါင်းရင်းမြစ်များ

2 King Nani 22:16

yang Dawan sna ba, naku wisni: Yang mita naha pliska na sut sauhki tikaisna, naha tasbaika ra iwi uplika nani sut ra sin, wauhkataya ulbanka ra dîa maisa pakan ba kat, naha wauhkataya, Juda kingka aisan ba.

Job 36:13

Upla watawikira nani ai kupia ra lawi pali banhwisa, priskan banhwisa sakuna hilp makabia apia.

Lawana Nani 119:18

Naikra nani ba ilingks, bara yang diara nani ba kaikamni, man smalkankam aihkakira nani ba.

Lawana Nani 119:27

Diara tânka briaia ba ai smalks, man lâmka bîla nani ba nina blikaia, baku mika warkkam aihkakira nani dukiara kupi wal aisamni.

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Lawana Nani 85:4

Gâd bara wan Sasakra, ¡nanara sin swaki wan sâks bara ban yang nani wal lawi kapara!

Aiseya 31:1

Saura pali kabia Idsip hilpka briaia pliki auya nani ba, bara aras nani ra ai lukanka mangki bri nani ba, bîla kaikanka nani bri nani ba sin, wagin ailal pali bri ba mita, aras âiulra ailal sin, baha mita ban witin nani ba kupia karna sa; Israel Gâd Holikira bâra ba lika kaikras, witin nani Dawan ra sin plikras.

Aiseya 42:9

Kaiks nahki bal aimakan ba diara nani kanra aisari nani kata ba. Bara nanara diara raya nani takaia ba dukiara aisaisna, baha nani maikrika tânka brisma kau bal takras ba kainara.”

Aiseya 43:22

“Sakuna man, Israel, Jekob tawanka, yang nini mâki yang ra winras kapram, man lika yang tayatki takram.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 30:14

Lilam nani ai âuya mai tikan; man ra luki kli trabil takras. Yang bui man ra klala maikri, yang na man waihlam baku, klala karna pali maikri watawi lâka ailal daukram ba tâwan, saurkam nani kulki sakaia sip âpu ba tâwan.

Jirimaya 31:18

Yang walri Efraín uplika nani ba brukwisa sari lâka tara ni: ‘Yang ba bîp wainhka kum sip smalki tim daukras ba baku sna, sakuna man mita lika puri luram bara tim ai daukram sa, pura luan lâka aikisma; ai dauks kli man ra balaia, kan man sma sika Dawan ba, yang Gâdki.

Jirimaya 44:23

Nanara man nani pât ra sma na baha daukanka daukram ba tâka mita sika, gâd wala nani ra kîa pain nani angki yabram ba tâwan, baku Dawan mapara saura daukram, dîa daukaia win ba ai lâka nani ba wali, adar nani maikan ba sin daukras.

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Inanka Nani 5:21

¡Man ra tawaia wan muns, Dawan, bara yang nani lika man ra tawamna! ¡Rayaki ba kli raya dauks, patitara yua nani kata ba baku!

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Oseas 7:10

Israel tara pali takan ba, ai daukanka ba mita, ai mapara witniska aisisa. Baha daukanka sut wal, witin nani kli Dawan ra tawi balras, Dawan ra sin plikras.

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Oseas 7:7

Âu, witin nani sut kubus baku aswi banhwisa, ai wihtka tara nani ba langkan. Ai kingka nani ba sut kauhan, bara upla kumi sin âpu sa, yang ra ai pura suni ba.

Luk 24:45

Bamna Ulbanka nani tânka ba yan brin,

Jan 10:35

Yawan kaikisa Ulbanka dîa aisi ba, sip baha ba bahki wiras; bamna Gâd mita baha uplika nani ai smalkanka alki brin nani ba gâd nani mâkan sa.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Jan 8:32

Bamna diara kasak tânka ba kaikma; bara kasak tânka ba mita sin pri mai sâkbia.

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.