Daniel 8:24 - DAWAN BÎLA AISKA

²⁴ Karnakira pali takbia, sakuna witin pali ai karnika ni lika apia, uya pali sauhki tikan kabia, bara diara sut daukbia ba yamni takbia. Waitna karnakira nani ba âpu daukbia, baku sin Gâd uplika nani ailal ra.

Daniel 8:24 ပူးပေါင်းရင်းမြစ်များ

Lawana Nani 37:35

Yang bui upla watawikira ba kaikri praut lâka ni banhwan pali kan, dus tara kum pâwan bara tnawa wahia nani palwan ba baku kata;

Daniel 11:23

Kunin munbia baha nani ra latwan lâka wisi aikuki wal asla taki lâ daukan ba, baku bamna mapara wabia bara ban sin pura lubia.

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Daniel 8:11

bara ban sin war aiklaklabra lalka ba wal kau tara takan, witin yu bani sakripais dauki kan watla kata ba dakban, bara ai gâdka mayuni kan ba tâski daukan.

Daniel 8:12

Ai lukraska lâka ba mita, war aiklaklabrika nani bara sakripais daukaia ba wal mihta ra mangkan, kasakka lâka ba tasba ni yakaban. Dîa daukaia lukan ba kat daukan, bara yamni sin takan.

Daniel 8:23

‘Naha kingka lâka nani tnata alkbia ba ra, saurka nani ba ni âuya mâira lâka ra karnika ba alki bribia.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”