Daniel 7:7 - DAWAN BÎLA AISKA

⁷ “Daiwan saura tara walhwalka kaikri ba lika saura sibrinkira pali kata, karnakira pali kata. Ai napa nani ba ayan baku bri kata, sut ra pi âpu sin dauki kan, kau tâka ba ai mina ni taibi kan. Baha daiwra ba ai lal ra aringka matawalsip bri kan.

Daniel 7:7 ပူးပေါင်းရင်းမြစ်များ

2 Samuil 22:43

¡Tasba yamhpuska âpu dauki ba baku, âpu daukri! ¡Mini ra taibri, yabal ra slaubla ra wan mina taibi baku!

Job 41:14

¿Ya ai bîla ba kwâkbia ki, ai napa nani kutbanka sibrinkira ba?

Daniel 2:19

Baha tihmika diara aihka kaikan ra bal sinska lâka tara tânka ba Daniel ra param marikan; baha tânka brin ba ra, Daniel bui kasbrika purara ba Gâdka ra yamni pali win,

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:2

“Yang yapriki ra kaiki kapri pâsa mapa walhwal ba wina krawi kan, bara kabu laya tara ba klahbi kan.

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Daniel 8:22

Aringka pas ba daikan ningkara aringka walhwal ba sika naha nisanka na wina king walhwal bal takbia, sakuna baha pas kingka karnika ba wina apia sa.

Sakaraya 2:1

Diara aihka wala kum lilka kaikri. Waitna kum ai mihta ra diara kulki kaikaia kiwka bri ba, yang ra mairikan kan.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 17:12

“Aringka matawalsip kaikram ba king matawalsip sika, bara baha nani king aimakaia lâka ba kau briras; sakuna witin nani king aimakaia karnika bribia awar kum prais, daiwan saura ba wal asla.

Param Marikanka 17:7

Bara insal ba ai win: “¿Dîa kan aihka pali lukram sa ki? Yang mita mairka dahra prakan tânka ba mai wimna ba ra, daiwan saura witin ra brih auya dahra prakan ba sin, baha daiwra lal 7 bara aringka matawalsip bri ba.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.