Daniel 7:6 - DAWAN BÎLA AISKA

⁶ “Yumhpika ba lika limi bulni baku kan, ai nina tani ra tnawa walhwal bri kan, bara kaikri lal sin walhwal bri kan bara karna kaia lâka ba yabi kan.

Daniel 7:6 ပူးပေါင်းရင်းမြစ်များ

Isikiel 17:3

bara wis: ‘Dawan ba naku wisa: Yakal tara kum Líbano ra balan; ai tnawa nani ba tara bara yari pali kata, tnawa ba mapla sât sât bri kan. Tnawa tara ba, yalam tnawa kum ra kangban,

Daniel 10:20

Bamna witin bui ai win: ‘¿Nu sma ki dîa muni man ra balri sa? Kan nanara kli Persia kingka luhpia waitna ba wal aiklabaia sna. Witin ba wal aiklabi tnata alkamna piua ra, baha insalka Grik tasbaya kingka luhpia waitna ba balbia.

Daniel 2:39

Bamna, man king tara, kingkam lâka ba ningkara king lâka wala mâyara kum bal takbia, baha ningkara king lâka yumhpika ba sika bras kabia, tasba aiska purara karnika alki bri kabia.

Daniel 7:4

Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Daniel 7:5

“Wâlka ba lika wingku baku kan, tnaya kumi ba kau purara bukan kata, tnaya mina nani yumhpa bri kan ai bîla ba walri wi kan ba: ‘¡Man bui wînam nani sut pis, dîa sip sma ba kat!’

Oseas 13:7

Baha ba mita, yang lika witin nani ra layan kum baku takamna, limi bulni kum baku yabal ra aihwaki kaiki kamna.

Param Marikanka 13:2

Naha daiwra saura kaikri na limi baku kata, mina nani ba wingku tara mina nani baku, bara bîla ba lika layan bîla baku. Dragun ba mita witin ra ai karnika, ai kingka iwaika, bara wihta lâka tara alki kaia ba sin yan kan.