Daniel 7:25 - DAWAN BÎLA AISKA

²⁵ Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Daniel 7:25 ပူးပေါင်းရင်းမြစ်များ

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Daniel 11:28

Yahbra tani kingka ba ai tasbaya ra kli tawi wabia war aiklabi diara nani dakban ba kira. Bamna wal aisi lâ daukan holikira ba mapara bubia dîa daukaia luki ba dauki tnata alkbia, baha ningkara ai tasbaya ra wabia.

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:2

Brin ai daukisa man nani tânka bri kama, nahki Gâd Laih Purara iwi ba diara aihkakira nani yang ra daukan ba.

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Daniel 7:20

Baku sin tânka briaia brin ai dauki kan aringka matawalsip bri kan ba; bara aringka sirpi ba nakra nani bri kan, bara diara tara nani aisi kan, ban kaikan kata aringka wala nani sut ba wal kau tara baku kan, bara baha ba wala watlika yaia dukiara aringka yumhpa sin kauhan kata.

Daniel 7:8

“Kau yang aringka nani ra kaiki kapri, aringka nani tila ba wina aringka sirpi kumi urhwi takan, aringka nani ba wina yumhpa daiki sakan kata wala bal takuya ba dukiara, baha ba upla nakra nani baku bri kan, bara ai bîla ni diara tara nani aisi kan.

Daniel 8:11

bara ban sin war aiklaklabra lalka ba wal kau tara takan, witin yu bani sakripais dauki kan watla kata ba dakban, bara ai gâdka mayuni kan ba tâski daukan.

Daniel 8:14

Bara makabanka ba dukiara naku win: ‘Tutni nani bara titan nani 2,300 kat. Baha ningkara, Dawan wal aisaia watla ba kli klin daukan kabia.’

Daniel 8:9

Aringka nani kumika ba wina aringka sirpi kum pâwi bal taki, tara pali pâwan, muna tani ra, lalma ra bara Tasba Painkira ba tani ra sin.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

2 Tesalonaika 2:3

Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.

Param Marikanka 12:6

Mairka ba lika upla iwras tasbaya ra plapan; bahara Gâd bui witin ai pliska kum ridi daukan kan, bara bahara sin yu 1,260 prais, witin ra plun dakaki kabia.

Param Marikanka 14:12

¡Nâra sika Gâd uplika nani, ai kupia alki bri ba kaikbia, baha nani Gâd lâka nani wali dauki ba, bara Jisas ra sin ban kasak luki nani ba!

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 18:24

Kan baha tawanka ra sika, Gâd prapitka nani tâlia, Gâd uplika nani tâlia sin bahara kaikan bamna, naha tasba ra ikan nani tâlia ba sin sut.