Daniel 7:15 - DAWAN BÎLA AISKA

¹⁵ “Bara yang, Daniel sibrin lâka ba bui puri lui kata, diara nani kaikri ba dukiara kupi ra turban ai muni kata.

Daniel 7:15 ပူးပေါင်းရင်းမြစ်များ

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Daniel 10:16

Pat pali upla kum balan, baha upla luhpia waitna baku kan, witin bui uni nani ra kangban. Bara maiwanra bûi kan uplika ba ra wîri: ‘Dawanki, naha diara aihka kaikri na bui kupi wirha takan bara sin swapni sin takri.

Daniel 2:1

King Nabucodonosor mani wâl king aimaki kan ba piua ra, witin yaprisauhkan kaikan, bara baha kaikan kata ba wina witin pali ai kupia wal uya pali aisi sip yapras kan.

Daniel 2:3

bara king bui witin nani ra aisin: —Yang yaprisauhkan kum kaikri, bara kupi wal uya pali aisisna, baha dukiara tânka briaia brin ai daukisa.

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 7:1

Belsasar ba Babilon ra pas mani king aimakan ba piua ra, Daniel yaprisauhkan ra diara aihka kum kaikan. Yapan wina ai kupia krawan ba ra, diara aihka nani ai yaprika ra kaikan ba ulban, naha sika ulban ba:

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Daniel 8:2

Diara aihka ba kaiki kapri piua ra, Susa kan kahbaika pliska ra kapri baku daira walri, baha ba sika Elam tasbaya ba lalka sa, Ulai awalka un nani ra.

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

2 Pita 1:14

Kan wan Dawan Jisas Kraist mita aikan tânka briri sa, pat pali yang naha tasba na swimna.