Daniel 7:13 - DAWAN BÎLA AISKA

¹³ “Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:13 ပူးပေါင်းရင်းမြစ်များ

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 2:8

Yang ra ai makas nisan nani sut ba man prapatikam baku maikamna; ban tasba aiska pali ba, man dukiam kaia, bara yang baha nani ba maikamni.

Lawana Nani 47:5

¡Dawan Gâd ai iwaika ra iwan, wini, lilia bin dauki, trumpit puhbi kira!

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Isikiel 1:26

Kasbrika pura sangnika tara baku ba purara kaikri diara kum bâra kan king iwaika kum sapair ni daukan baku kan. Baha iwaika baku paskan ba purara upla kum bâra kan, witin ba waitna.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:12

Daiwan saura wala wâl ba wina lika karnika ba sakan kata, sakuna ikras ban swin raya kaia ai piua aimakbia ba kat.

Daniel 7:2

“Yang yapriki ra kaiki kapri pâsa mapa walhwal ba wina krawi kan, bara kabu laya tara ba klahbi kan.

Daniel 7:22

Almuk ba balan ba ra, kasakka lâka kat Gâd Laih Purara iwi ba uplika nani lâka ba daukan, bamna piua ba aimakan kata Gâd uplika nani ba king tasbaya ba alki briaia.

Daniel 7:9

“Ban kaiki kapri, king iwaika nani bri si mangki swin ba kat, bara almuk kumi wih iwan. Ai prâka ba wahmuk pinhka baku kan, ai tâwa ba sîp taya tâski âpu ba baku kan, ai king iwaika bara wilwaika ba pauta klauhan ba baku kan,

Daniel 8:15

“Yang Daniel, naha diara aihka kaikri ba tânka pliki kaiki kapri ba ra, waitna kum lilka maiwanra bal takan,

Matiu 13:41

Upla Luhpia Waitna mita insal nani blîkbia bara witin nani mita Gâd king aimaki tasbaya ba wina, upla wala nani ra saura lâka ra bataki nani ba, bara saura dadaukra nani ba sut asla wahbia.

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Matiu 26:64

Jisas pana witin ra win: —Man baku aisaram. Bara yang sin man nani ra mai wisna, Upla Luhpia Waitna ba Gâd, Karnika sut bri ba mihta aihkika ra iwi kasbrika purara wina aula kaikma.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Mark 13:26

Bâra mika Upla Luhpia Waitna ba, kasbrika ra ai karnika tara wal, ai pranakira aula ba, upla nani kaikbia.

Luk 21:27

Bâra mika, Upla Luhpia Waitna, kasbrika ra aula ba kaikbia, karnika tara bara ai prana ba wal.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 24:27

Bamna mahka Ulbanka nani witin ai tânka aisi nani ba saki tânka smalkan, Moses wauhkataya nani wina ban prapit nani ulbanka nani ba kat.

Jan 12:34

Bara upla nani ba mita pana win: —Lâ wauhkataya wina yang nani kaikisna Misaya ba lika ban kaia ra raya kaia sa. ¿Bamna nahki man wisma, Upla Luhpia Waitna ba purara bukan kaia sa? ¿Baha Upla Luhpia Waitna ba ya sa ki?

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 5:27

bara lâ aisi daukaia karnika sin yan, kan witin sika upla takan ba.

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

1 Tesalonaika 4:17

baha ningkara, yawan kau raya nani ba, witin nani aikuki kasbrika tilara wan brih wan kabia, Dawan wal pâsa purara prawaia. Yawan baku kabia Dawan wal, ban kaia ban kaia ra.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

Hibru Nani 2:14

Utla uplika kum luhpia nani ba, sim wîna bara sim tâlia brisa; baku sin, Jisas ba upla wîna bara tâlia sin bri kan, bara baku lika witin sip kaia kan ai pruanka ba ni dibil upla ikaia karnika bri kata ba, sauhki tikaia.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Param Marikanka 1:13

Baha kiandil bapaika nani 7 ba lilapas diara kum kum kaikri; mawan ba upla mawan talia kan, witin kwala kum dimi kan ba yari ai mina kat kan, bara gul ni ai maisa wila kum bri ban ba ai lama dusa kat kan.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 14:14

Bara yang kaikri, bamna kasbrika pihni kum bâra kan; bara kasbrika ba purara upla baku kum iwi kan. Witin ai lal purara gul kraunka kum bri kan, bara ai mihta ra lika ispara mala pali kum bri kan.