Daniel 6:23 - DAWAN BÎLA AISKA

²³ Bamna king ba lilia pali takan, bara win Daniel ba layan nani watla wina sâkbia. Witin nani sakan, bara kaikan Daniel wîna ra insauhkan lupia kumi sin âpu kata, kan witin ai Gâdka ra kasak luki kan ba mita.

Daniel 6:23 ပူးပေါင်းရင်းမြစ်များ

1 King Nani 5:7

Bamna Hiram Salaman aisin ba walan, bara uya pali lilia taki naku win: “¡Naiwa Dawan ba yamni pali kulkan kabia, kan witin Debit ra luhpa waitna sinskira kum yan, naha nisanka ban ailal na purara king aimakaia!”

1 Kronikas 5:20

sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

Lawana Nani 18:21

yang bui Dawan yabalka nani blikri, yang Gâdki ba swih, kulkaia apia wiras kapri,

Lawana Nani 37:40

Dawan bui witin nani ra tâ baikisa plapi swakwaia. Watawikira nani wina witin baha nani pri saki, swaki sakisa, kan baha nani witin wina ai kan kahbaia plikan bamna.

Impakan Sturka 18:9

Jetró lilia takan Gâd nahki Israel luhpia nani ra ai kupia yamni lâka uya marikan ba dukiara. Idsip uplika nani karnika wina swaki sakan ba.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Daniel 3:25

—Sakuna yang kaikisna waitna walhwal bâra ba, pauta klauhan ba lilapas ra wapi taukisa; pauta ba bui diara kumi sin munras pali sa, waitna walhwalka ba mawan ba lika insal baku sa.

Daniel 6:14

King naha walan ba ra sari pali takan, bara yabal plikan Daniel ba swaki sakaia, ban yu dimaia kat dîa sip ba kat trai munan,

Daniel 6:18

Baha ningkara king mahka wan ai watla ra, bara plun sin piras ai krikrika ra aitnikan, miusik kangbaia dukia nani sâtka kumi sin yan ai mawanra brih balras kan, baha tihmika aiska king ba yapras kan.

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Hibru Nani 11:33

Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,